«Sot «B.» ótinishin qanaǵattandyra otyryp, jazanyń ótelmegen bóligin bostandyqty shekteýge aýystyrdy», - dep habarlady Aqmola oblysy Zerendi aýdandyq soty.
Jazany aýystyrý kezinde sot kelesi jaǵdailardy eskerdi:
sottalǵan adam zańda belgilengen jaza merziminiń 1\3 bóligin (2 jyl 4 ai 5 kún) ótegen;
kináli memleketke keltirilgen zalaldy tolyǵymen ótedi, tergeýmen belsendi jumys istedi jáne jasaǵan isine ókinedi;
qamaýda bolǵan kezeńde oń sipattaldy. Mekeme ákimshiligi tiisti qujattardy usyndy jáne ótinishti qoldady.
Ol sot sheshimine sáikes probatsiialyq baqylaýda bolady.
Sot sheshimi zańdy kúshine engen joq.
Eske sala keteiik, kásipker Qairat Boranbaev 2022 jylǵy 17 naýryzda ustalyp, qamaýǵa alynǵan bolatyn.
2023 jyldyń 31 naýryzynda Astanadaǵy N2 Saryarqa sotynda kásipker Qairat Boranbaevqa qatysty úkim shyqty. Ol 8 jylǵa bas bostandyǵynan aiyryldy.
Kúni keshe Qairat Boranbaevtyń úsh birdei munai-gaz kompaniiasyn memleketke qaitarǵan bolatyn. Bul týraly Qarjylyq monitoring agenttigi habarlady.
Naryqtyq quny 60 mlrd teńgege jýyqtaityn «Qarajanbas Severnyi», «Aziia Gaz Chýndja», «Servisnyi Tsentr KazTýrboRemont» kásiporyndary qazir memleket menshiginde.
Taýarlyq gazdy satýmen ainalysqan ken ornynda 143 uńǵyma, 2,6 mln tonna munai men 13,2 mln tekshe metr gaz bar. Quzyrly organ ókilderi 6 jylǵa sottalǵan kásipkerdiń zaýytynda 740 adam jumys istep jatqanyn anyqtady.
Buǵan deiin, Qairat Boranbaevtyń quny 33,75 mlrd teńgeni quraityn dúnie-múlki memleket menshigine ótkenin jazǵan edik. Atap aitqanda, «Almaly» saýda ortalyǵynyń ǵimaraty, Unity Hall JShS, «Almaty Taýers» biznes ortalyǵy men Fitnation fitnes klýbtar jelisi.
QMA-nyń habarlaýynsha, memleket menshigine jalpy quny 33,75 mlrd teńge bolatyn keńse, saýda jáne oiyn-saýyq kesheni, sondai-aq saýyqtyrý jáne fitnes jelisi ótken.
Sonymen qatar, Boranbaev shetelden qaitarylǵan qarajat esebinen Bilim berý infraqurylymyn qoldaý qoryna 30 mlrd teńge aýdarǵan bolatyn. Qairat Boranbaevtyń ieligindegi qonaq úi kesheni memleket menshigine ótken edi. Comfort Hotel Astana dep atalatyn keshenniń jalpy quny 1,4 mlrd teńgeden asady.
