Qazaqstandaǵy eń bai adam Vladimir Kimniń bailyǵy 4,6 mlrd dollarǵa baǵalanǵan. Qoǵamda Kim - Nazarbaevtyń "ámiiany" degen sóz bar. Kimniń Nazarbaevpen bailanysty qandai kásibi bary anyqtaldy, - dep habarlaidy Dalanews.kz "Jas Alashqa" siltep.
Vladimir Kim KAZ Minerals Ltd aktsioneri, prezidenti jáne atqarýshy emes direktory. "Qazaqmys Korporatsiiasy" JShS, "Bank RBK" AQ aktsiialarynyń basym bóligin jáne "Tań" teleradiokompaniiasynyń aktsiialarynyń úlesine ielik etedi. Biznes-sáikestendirý nómirleriniń ulttyq reestriniń málimetterine sáikes, oǵan resmi "KSS Finans", DSFK, Holding DSFK, Kazakhmys Holding Limited, Trianon Limited jeke kompaniialary ǵana tiesili.
Vladimir Sergeevich Kim mys biznesindegi eńbek jolyn 1995 jyly "Jezqazǵantsvetmet" AQ basqarýshy direktory jáne bas atqarýshy direktory laýazymdarynan bastady.
2000 jyldyń jeltoqsanynda Kim korporatsiianyń eń úlken paketiniń (25,7%) iegeri atanyp, kompaniianyń direktorlar keńesiniń tóraǵasy bolyp sailandy. Ony Kim Cuprum Holding Limited korporatsiiasy arqyly basqardy.
2005 jyly London qor birjasynda kompaniianyń aktsiialaryn ornalastyrǵannan keiin "Eýroaziialyq mys monopoliiasynyń tutqasyn kim ustap otyr" dep londondyqtar bizdiń kompaniiaǵa qyzyǵa bastady. Britandyq Global Witness úkimettik emes uiymy júrgizgen tekserý barysynda "Qazaqmys" aktsionerleri Kim men eks-prezident Nursultan Nazarbaevtyń tyǵyz bailanysyn anyqtady.
Mine, osylaisha "Nazarbaevtyń ámiiany" atanǵan Kimniń biznesi órge domalap, dáýleti jyldan jylǵa kóbeie berdi. Qazirgi kúnde onyń bailyǵy mys satýdan eselep artyp otyr.
"Liýks Servis KZ" jaýapkershiligi shekteýli seriktestigi
Astana qalasy boiynsha tirkeý basqarmasynan 2022 jyly 3 aqpanda sońǵy ret tirkeýden ótken. Birinshi basshysy Aiýpov Raýhat Abylaevich. Jyljymaityn múlik pen operatsiialar qyzmet túrimen ainalysady.
Resmi málimette atalǵan kásiporynnyń tikelei Kimge qatysy bary aitylmaidy. Biraq 2022 jyldyń maýsym aiynda oligarhtar Vladimir Kim men Edýard Ogai "Elbasy qoryna" tiesili Lux Service KZ JShS-nyń 50 paiyz aktsiiasyn 1,3 mlrd teńgege satyp aldy.
Qazirgi quryltaishylary – "Jyljymaityn múlikti basqarý direktsiiasy" jaýapkershiligi shekteýli seriktestigi men "Qazaqmys korporatsiiasy" jaýapkershiligi shekteýli seriktestigi. Kompaniia jyljymaityn múlikti paidalanýmen, jyljymaly jáne jyljymaityn múlikpen operatsiialar oryndaý, damytý qyzmetimen ainalysady.
Kompaniianyń ekinshi quryltaishysy – "Jyljymaityn múlikti basqarý direktsiiasy" JShS, onyń quryltaishysy – "Elbasy" qory, "Elbasynyń" quryltaishysy – Nursultan Nazarbaev.
Ornalasqan jeri – Astana qalasy, Esil aýdany, Ótpe joly 77.
2023 jylǵy aqsha ainalymy – 825 195 329 teńge. Tólegen salyǵy – 16 840 721 teńge. Memleketten alǵan kelisimsharttary týraly málimet kezdespeidi.
"Jas Alash" málimetinshe, Kimdi "Nazarbaevtyń ámiiany" deitin sebebiniń biri – Qazaqstannyń iri mys óndirýshisi Nursultan Nazarbaev qurǵan kommertsiialyq emes uiymdarǵa turaqty demeýshi bolyp kelgen.
Mysaly, 2018-2022 jyldar aralyǵynda atalǵan kompaniia onyń qoryna 79,4 mlrd teńge aýdarǵan.
