Qazaqstanda Resei armiiasynan óz erkimen ketip qalǵan azamat ustalyp, elden shyǵaryldy, dep habarlaidy dalanews.kz.
Málimetke sáikes, er adam 2026 jyldyń mamyr aiynda memlekettik shekarany belgilengen ótkizý pýnktinen tys jerden zańsyz kesip ótken. Ol aldymen Oral qalasyna jetip, keiin Tarazǵa barǵan. Sol jerde Ulttyq qaýipsizdik komitetiniń qyzmetkerleri ony qolǵa túsirgen.
Belgili bolǵandai, atalǵan azamat buǵan deiin Resei armiiasynda qyzmet etken. Alaida 2025 jyldyń jazynda áskeri bólimin óz betinshe tastap ketip, biraz ýaqyt boiy jasyrynyp júrgen.
Batys Qazaqstan oblysynyń soty ony Qazaqstan zańnamasyn buzǵany úshin kináli dep tanydy.
Sot sheshimimen er adam Qazaqstan aýmaǵynan shyǵarylyp, oǵan bes jyl boiy elge kirýge tyiym salyndy. Sonymen qatar oǵan 865 myń teńge kóleminde aiyppul taǵaiyndalǵan. Alaida amnistiiaǵa bailanysty aiyppul tóleý jazasynan bosatyldy.
