Qazaqstannyń tuńǵysh prezidenti Nursultan Nazarbaevqa qatysy bar delingen Airbus ACJ320neo biznes-djeti AQSh-ta bir jyldan astam ýaqyttan beri qaita jańǵyrtý jumystarynan ótip jatyr. M-IRAS nómirli ushaq qazir Indianapolis qalasynda tur. Bul týraly “Vyhod k moriý” telegram-arnasy málimdedi, dep habarlaidy Dalanews.kz.
Flightradar24 servisiniń derekterine qaraǵanda, áýe kemesi keiingi ýaqytta tek qysqa tehnikalyq synaq ushýlaryn oryndap keledi.
Airbus ACJ320neo úlgisindegi ushaqtar kóbine “ushatyn penthaýs” dep atalady. Óitkeni onyń standartty nusqasy 180 jolaýshyǵa deiin tasymaldaýǵa qaýqarly. Al biznes-nusqasy ádette 20–25 adamǵa arnalyp jabdyqtalady. Mundai lainerlerde jatyn bólmeler, jumys kabinetteri, kelissóz júrgizýge arnalǵan arnaiy aimaqtar men demalys oryndary qarastyrylady.
Bul ushaqty Nazarbaev paidalanǵany týraly málimetter 2022 jyly jariialaǵan edi. Sol kezde onyń shamamen 100 million dollar turatyny aitylǵan. Zertteýlerge súiensek, áýe kemesi memlekettik Berkut Air áýe kompaniiasynyń balansynda bolǵan.
Al Qańtar oqiǵasynan keiin ushaqty basqarý Prime Aviation kompaniiasyna ótken. Bul kompaniia kásipker Timýr Qulybaevqa tiesili ekeni belgili.
Qazir Prime Aviation kompaniiasynyń resmi saitynda bul bort týraly aqparat kórsetilmeidi. Sondyqtan ushaqtyń iesi ózgerýi múmkin degen joramal bar.
