قازاقستاننىڭ تۇڭعىش پرەزيدەنتٸ نۇرسۇلتان نازارباەۆقا قاتىسى بار دەلٸنگەن Airbus ACJ320neo بيزنەس-دجەتٸ اقش-تا بٸر جىلدان استام ۋاقىتتان بەرٸ قايتا جاڭعىرتۋ جۇمىستارىنان ٶتٸپ جاتىر. M-IRAS نٶمٸرلٸ ۇشاق قازٸر يندياناپوليس قالاسىندا تۇر. بۇل تۋرالى “ۆىحود ك موريۋ” تەلەگرام-ارناسى مەلٸمدەدٸ, دەپ حابارلايدى Dalanews.kz.
Flightradar24 سەرۆيسٸنٸڭ دەرەكتەرٸنە قاراعاندا, ەۋە كەمەسٸ كەيٸنگٸ ۋاقىتتا تەك قىسقا تەحنيكالىق سىناق ۇشۋلارىن ورىنداپ كەلەدٸ.
Airbus ACJ320neo ٷلگٸسٸندەگٸ ۇشاقتار كٶبٸنە “ۇشاتىن پەنتحاۋس” دەپ اتالادى. ٶيتكەنٸ ونىڭ ستاندارتتى نۇسقاسى 180 جولاۋشىعا دەيٸن تاسىمالداۋعا قاۋقارلى. ال بيزنەس-نۇسقاسى ەدەتتە 20–25 ادامعا ارنالىپ جابدىقتالادى. مۇنداي لاينەرلەردە جاتىن بٶلمەلەر, جۇمىس كابينەتتەرٸ, كەلٸسسٶز جٷرگٸزۋگە ارنالعان ارنايى ايماقتار مەن دەمالىس ورىندارى قاراستىرىلادى.
بۇل ۇشاقتى نازارباەۆ پايدالانعانى تۋرالى مەلٸمەتتەر 2022 جىلى جارييالاعان ەدٸ. سول كەزدە ونىڭ شامامەن 100 ميلليون دوللار تۇراتىنى ايتىلعان. زەرتتەۋلەرگە سٷيەنسەك, ەۋە كەمەسٸ مەملەكەتتٸك Berkut Air ەۋە كومپانيياسىنىڭ بالانسىندا بولعان.
ال قاڭتار وقيعاسىنان كەيٸن ۇشاقتى باسقارۋ Prime Aviation كومپانيياسىنا ٶتكەن. بۇل كومپانييا كەسٸپكەر تيمۋر قۇلىباەۆقا تيەسٸلٸ ەكەنٸ بەلگٸلٸ.
قازٸر Prime Aviation كومپانيياسىنىڭ رەسمي سايتىندا بۇل بورت تۋرالى اقپارات كٶرسەتٸلمەيدٸ. سوندىقتان ۇشاقتىڭ يەسٸ ٶزگەرۋٸ مٷمكٸن دەگەن جورامال بار.
