Kásipker Nurlan Bimýrzin Nursultan Nazarbaevtyń kishi qyzy Áliia Nazarbaeva biznesin kúshtep tartyp alǵanyn aitty, - dep habarlaidy Dalanews.kz.
Bul týraly ol baspasóz klýbynda ótken jinalysta aitty. Nurlan Bimýrzin "TPK Aziia" JShS quryltaishysy bolǵan.
"Kompaniia aktiviniń quramynda 8 munaibazasy jáne 96 janarmai quiý beketi bolǵan. Biz seriktesim ekeýimiz osy sátti 20 jyl kúttik. Sebebi osy ýaqyt aralyǵynda jaqyndarymyzdyń jaǵdaiyna alańdap qana qoimai, qorqyp, úreimen júrdik. Óitkeni olarǵa qatysty qoqan-loqy kórsetilip júrdi.
Nazarbaevtardyń, ásirese Áliia Nazarbaevanyń Qazaqstandaǵy yqpalyn bárińiz biletin shyǵarsyzdar.
Sondyqtan ádildik ornaýy kerek dep esepteimiz. Endi árkim óz isine jaýap berýi kerek", - deidi Nurlan Bimýrzin.
Onyń sózinshe, Bimýrzin 19 aqpanda bas prokýratýraǵa aryz jazǵan.
"Jańa Qazaqstanǵa senemiz, ádildik ornaidy dep senemiz", - deidi kásipker.
Kásipkerdiń aitýynsha, 2002 jyly áýeli qarjy politsiiasy tarapynan qysym kórsetilgen.
"Áliia Nazarbaevanyń ókili kelip, qarjy politsiiasynan qorǵan bola alatynyn, ol úshin biznestiń 50 paiyzy berilýi kerektigin aitty. Bir jyldan keiin Nazarbaeva qalǵan úlesti surady. Mundai áńgimeler 2003 jyldyń qazanynda shyǵa bastady. Olar meniń ákem men seriktesi Medǵat Qalievpen sóilesip, aktivti berý týraly talap qoiǵan. Keiin ákemdi Abai men Baitursynuly kóshesiniń qiylysynan urlap áketip, Tóle bi men Panfilov qiylysynda ornalasqan Nazarbaevanyń keńsesine aparǵan. Ákeme Áliia Nazarbaeva suraqty tótesinen qoiyp, "otbasyń úshin alańdaisyń ba, joq pa" dep suraǵan. Ákem olardyń qolynda bilik pen ákimshilik resýrs turǵanyn túsinip, otbasynyń amandyǵy úshin kelisimshartqa qol qoiýǵa kelisken", - deidi kásipker.
Osylaisha Nurlan Bimýrzin 2003 jyldyń 13 qarashasynda jubaiymen birge baryp, qujattarǵa qol qoiǵan.
"Onda Áliianiń ózi bolǵan joq, biraq onyń ornyna Valentina Rogova (Konstitýtsiialyq keńestiń tóraǵasy bolǵan Igor Rogovtyń áieli) boldy. Úlesimdi nebári 18 125 teńgege satýǵa májbúr boldym", – deidi Nurlan Bimýrzin.
Aita keteiik, buǵan deiin Áliia Nazarbaeva men Konstitýtsiialyq Keńestiń burynǵy basshysy Valentina Rogovaǵa "reiderlik shabýyl jasady" degen aiyp taǵylǵany belgili bolǵan edi.
"2003 jyly (Nazarbaeva – QazTAG) óz ústemdigin paidalana otyryp, quny 170 million dollardy quraityn (2003 jylǵy esep boiynsha) jeti munai bazasy men 96 janarmai quiý beketinen turatyn kásiporyndy qoldy etken. Al burynǵy ielerin "túrmege qamap, dene jaraqatyn salamyn" dep qorqytqan. Tipti tapa tal túste kásip ieleriniń biriniń ákesin ashyq túrde urlap áketken. Bul óziniń yqpalyn kórsetý úshin jasalǵan áreket.
Kýágerlerdiń aitýynsha, adam urlaýǵa quqyq qorǵaý organdarynyń qatysy bolýy múmkin. Qylmysqa sybailas qatysýshy Valentina Rogova bolǵan.
