Óitkeni ulttyq kompaniia banktermen, tólem jáne qarjylyq qyzmetterdi jetkizýshilermen jumys isteýdi bastap ketken. Kelisimshartqa sáikes abonentterden komissiia alynbaidy.
Kelisim biyl 27 mamyrdan bastap buzylǵan.
Al Áliia Nazarbaevanyń kompaniiasymen kelisimshartty QTJ áli buzǵan joq.
Onyń ústine 1 mamyrdan bastap agregatorlyq kompaniialar úshin komissiia árbir temirjol biletine 46,65 teńgege deiin ósti.
Orda.kz redaktsiiasynyń suraýy boiynsha QTJ Instant Payments JShS men agregatorlyq kompaniialardyń yntymaqtastyǵy aktsionerlik qoǵamnyń baqylaýynda emes ekenin habarlady. Biraq komissiianyń kóterilýi dál QTJ-men bailanysty bolyp tur.
«Jol júrý qujattaryn (biletterdi) berý jáne satý salasynda jeke kásipkerlik sýbektileri úshin ekonomikalyq turaqtylyqty saqtaý maqsatynda «QTJ» UK» AQ basshylyǵy 2022 jyldyń birinshi jartyjyldyǵyndaǵy infliatsiia deńgeiin eskere otyryp, tarifti 5%-ǵa kóterý týraly sheshim qabyldady» dedi kompaniia.
Aita ketsek, Áliia Nazarbaeva Instant Payments JShS-in dál osy «Qazaqstan temir joly» UK» AQ men «Qazaqtelekom» AQ-yna deldaldyq qyzmet kórsetý úshin qurǵan bolatyn.
Ol kompaniia qazir áli de internette poiyz biletterin satý júiesine qyzmet kórsetýdi jalǵastyryp jatyr jáne ulttyq bailanys operatorynan tólemder qabyldaidy.
Negizinde QTJ men Instant Payments JShS arasyndaǵy kelisimshart 2023 jyldyń 31 jeltoqsanyna deiin 9 jylǵa jasalǵan. Aqpan aiynyń basynda kompaniialar jolaýshylar poiyzdaryna elektrondy jol júrý qujattaryn berý men satýdy uiymdastyrý boiynsha kelisimshartty merziminen buryn buzý týraly sheshim qabyldaǵan.
Al 8 sáýirde Instant Payments JShS-niń áli de onlain biletterdi satatyn agregatorlyq kompaniialar úshin komissiiany kóteretini belgili boldy.
