Kezdesý barysynda EAEO-ǵa qatysýshy memleketterdiń odaq aiasyndaǵy kelisimderdiń oryndalýyn qamtamasyz etýdiń ózekti máseleleri men Eýraziialyq odaq elderimen saýda barysynda qazaqstandyq biznes tap bolatyn kedergiler talqylandy.
Senat basshysy búgingi tańda EAOE-nyń ishki naryǵy aiasyndaǵy kedergilerdi joiý úshin josparly túrde ilgerileý kerektigin atap ótti.
"Atqarylǵan jumystarǵa qaramastan, kedergiler men tosqaýyldar azaiǵan joq, qaita kóbeie túsýde. Búginde kelisilgen kedergiler tizilimi 66 tarmaqtan turady. Kezinde bul tizilim 60-tan bastalatyn. Bul kórsetkishti azaitýdyń ornyna, biz jyl sanap jańa kedergiler jasap nemese burynǵylardy joia almai, sanyn kóbeitip otyrmyz", - dedi Nazarbaeva.
Qazaqstan taýarlarynyń Resei naryǵyna qol jetkizýdegi kedergiler, qazaqstandyq birqatar taýar ónimderi tranzitine tyiym nemese shekteý qoiý, elektrondy deklaratsiialaý qaǵidatynyń saqtalmaýy, belgili bir taýarlardy jetkizýde túrli talap qoiý arqyly kedergilerdi tehnikalyq retteýmen búrkemeleý máselesi otandyq biznestiń aldyndaǵy negizgi qiyndyqtardyń biri retinde atap ótildi.
Mihail Miasnikovich Eýraziialyq ekonomikalyq odaq aiasynda qol qoiylǵan 25-ke jýyq kelisim men sharttar búgingi kúnge deiin ratifikatsiialanbai otyrǵanyna nazar aýdardy. Sonymen qatar alqa basshysy ekonomikalyq daýlardy sheshý úshin EAEK-nyń sotqa júginý quqyǵynyń bolýy kerektigin jáne EAEK arbitrajyn qurý qajettigin atap ótti.
Dariǵa Nazarbaeva atalǵan bastamaǵa qoldaý bildirdi jáne sheshimderdi qabyldaý rásimi tym biýrokratiialanǵany men onyń uzaq ýaqytqa sozylatynyn aitty.
Senat tóraǵasy sondai-aq qazaqstandyq aýyr júk kólikterin júrgizýshilerdiń Resei-Belarýs shekarasyndaǵy problemalaryna erekshe toqtaldy.
"Odaqtyq memleketterdiń is-qimyly boiynsha bul shekarada halyqaralyq tekserý beketiniń bolmaýyna bailanysty shekaradan tek Resei jáne Belarýs eliniń azamattary ǵana óte alady. Búgingi kúni qazaqstandyq júrgizýshilerge shekaradan ótýge ýaqytsha ruqsat bar, degenmen onyń ózi rettelmegen túrde", - dedi D.Nazarbaeva.
