Májilis depýtaty Murat Ábenov Nazarbaev ýniversitetinde ondaǵan milliard teńgeniń jymqyrylǵanyn málimdep, bul jaǵdaiǵa Qazaqstannyń Joǵary aýditorlyq palatasynyń (JAP) basshysy Álihan Smaiylovty aiyptady, dep habarlaidy Dalanews.kz.
“Smaiylov basqaratyn Joǵary aýditorlyq palata Nazarbaev Ýniversitetinde 73 milliard teńgeniń jymqyrylǵany týraly aqparatty nege jasyryp otyr?” – dep jazdy depýtat Facebook-tegi paraqshasynda.
Eske salaiyq, 2023 jyldyń jeltoqsanynda Joǵary aýditorlyq palata Nazarbaev Ýniversitetinde 73 milliard teńgeniń tiimsiz jumsalǵanyn anyqtaǵan bolatyn. Sol kezde vedomstvo basshysy Álihan Smaiylov ýniversitettiń áli de memlekettik biýdjet esebinen qarjylandyrylyp otyrǵanyn málimdegen edi.
Osyǵan qatysty Nazarbaev Ýniversiteti sol kúni túsinikteme berip, qarjylai zańbuzýshylyqtar stýdentterdiń jol shyǵyndary men stipendiialaryn óteýge bailanysty ekenin aitty. Sonymen qatar ýniversitet barlyq táýekeldi joiyp, aqyly negizde bilim alatyn stýdentter sanyn arttyrýǵa ýáde berdi.
