ءماجىلىس دەپۋتاتى مۇرات ابەنوۆ نازاربايەۆ ۋنيۆەرسيتەتىندە ونداعان ميلليارد تەڭگەنىڭ جىمقىرىلعانىن مالىمدەپ، بۇل جاعدايعا قازاقستاننىڭ جوعارى اۋديتورلىق پالاتاسىنىڭ (جاپ) باسشىسى ءاليحان سمايىلوۆتى ايىپتادى، دەپ حابارلايدى Dalanews.kz.
“سمايىلوۆ باسقاراتىن جوعارى اۋديتورلىق پالاتا نازاربايەۆ ۋنيۆەرسيتەتىندە 73 ميلليارد تەڭگەنىڭ جىمقىرىلعانى تۋرالى اقپاراتتى نەگە جاسىرىپ وتىر؟” – دەپ جازدى دەپۋتات Facebook-تەگى پاراقشاسىندا.
ەسكە سالايىق، 2023 جىلدىڭ جەلتوقسانىندا جوعارى اۋديتورلىق پالاتا نازاربايەۆ ۋنيۆەرسيتەتىندە 73 ميلليارد تەڭگەنىڭ ءتيىمسىز جۇمسالعانىن انىقتاعان بولاتىن. سول كەزدە ۆەدومستۆو باسشىسى ءاليحان سمايىلوۆ ۋنيۆەرسيتەتتىڭ ءالى دە مەملەكەتتىك بيۋدجەت ەسەبىنەن قارجىلاندىرىلىپ وتىرعانىن مالىمدەگەن ەدى.
وسىعان قاتىستى نازاربايەۆ ۋنيۆەرسيتەتى سول كۇنى تۇسىنىكتەمە بەرىپ، قارجىلاي زاڭبۇزۋشىلىقتار ستۋدەنتتەردىڭ جول شىعىندارى مەن ستيپەنديالارىن وتەۋگە بايلانىستى ەكەنىن ايتتى. سونىمەن قاتار ۋنيۆەرسيتەت بارلىق تاۋەكەلدى جويىپ، اقىلى نەگىزدە ءبىلىم الاتىن ستۋدەنتتەر سانىن ارتتىرۋعا ۋادە بەردى.
