Álihan Smaiylov óz adamdaryn ATB Bankiniń (Aziia-Tynyq muhity) direktorlar keńesine engizip jibergen. Sonyń saldarynan Daniiar Ákishev taǵaiyndaǵan banktiń basqarma tóraǵasy Qairat Altynbekov ornynan ketpek.
DALA INSIDE derekkózi kadrlyq aýys-túiistiń osy kúzde oryn alatynyn rastady. Qazir eki stsenariidiń biri júrip jatyr.
Birinshi stsenarii. Álihan Smaiylovtyń ATB Bankine qol sala bastaýy, bank qojaiyny Nursultan Nazarbaevtyń Ákishevtiń ornyn Smaiylovpen aýystyrǵysy keletinin aiǵaqtaidy. Bul degenimiz Smaiylov óziniń "Jańa Qazaqstandaǵy" mansabyn tastap, "Eski Qazaqstanǵa" oralady degen sóz. Shyn aitqanda, Smaiylovty adam etken Nazarbaev edi. Onda Smaiylov úsh aptadan keiin Premer-Ministr qyzmetinen ketedi.
Ekinshi stsenarii. "Jańa Qazaqstan" Jýsan bankti rettegennen keiin Nazarbaevtyń Reseidegi bankine aýyz saldy. Demek, ATB Banki Nazarbaevtyń qarjygeri Daniiar Ákishevten Toqaevtyń qarjygeri Álihan Smaiylovqa ótip jatyr.
Bul jaǵdaida da, "qazaqtyń Álihanyna" premerlikten ketýge týra keletin siiaqty. Tipti Álihandy premerlikten alyp tastaý úshin oǵan osyndai "tátti usynys" aitylýy múmkin.
Kezinde bankrot bolǵan ATB Bankti Resei ortalyq banki aýktsionda satqan bolatyn. Sonda Daniiar Ákishev basqaryp otyrǵan, Nazarbaev ielik etetin "Pioneer Capital Invest" álgi bankti 193 million dollarǵa satyp alǵan. 2022 jyly bankti basqarýǵa kelgen qazaq qarjygeri Qairat Altynbekov ATB-ny pliýske shyǵaryp, 325 million rýbl taza paida kórsetken. Al 2023 jyldyń qorytyndysy boiynsha bank ózin satyp alýǵa jumsalǵan qarjynyń kem degende 35 paiyzyn aqtap almaq.
ATB Bank kúlsheli aktivke ainalǵany sol edi, oǵan degen tartys kúsheie tústi. Qazaq lobbisteri Reseide ózara qyrqysyp jatsa da tań qalýǵa bolmaidy.
