ەليحان سمايىلوۆ ٶز ادامدارىن اتب بانكٸنٸڭ (ازييا-تىنىق مۇحيتى) ديرەكتورلار كەڭەسٸنە ەنگٸزٸپ جٸبەرگەن. سونىڭ سالدارىنان دانييار ەكٸشەۆ تاعايىنداعان بانكتٸڭ باسقارما تٶراعاسى قايرات التىنبەكوۆ ورنىنان كەتپەك.
DALA INSIDE دەرەككٶزٸ كادرلىق اۋىس-تٷيٸستٸڭ وسى كٷزدە ورىن الاتىنىن راستادى. قازٸر ەكٸ ستسەنارييدٸڭ بٸرٸ جٷرٸپ جاتىر.
بٸرٸنشٸ ستسەناريي. ەليحان سمايىلوۆتىڭ اتب بانكٸنە قول سالا باستاۋى, بانك قوجايىنى نۇرسۇلتان نازارباەۆتىڭ ەكٸشەۆتٸڭ ورنىن سمايىلوۆپەن اۋىستىرعىسى كەلەتٸنٸن ايعاقتايدى. بۇل دەگەنٸمٸز سمايىلوۆ ٶزٸنٸڭ "جاڭا قازاقستانداعى" مانسابىن تاستاپ, "ەسكٸ قازاقستانعا" ورالادى دەگەن سٶز. شىن ايتقاندا, سمايىلوۆتى ادام ەتكەن نازارباەۆ ەدٸ. وندا سمايىلوۆ ٷش اپتادان كەيٸن پرەمەر-مينيستر قىزمەتٸنەن كەتەدٸ.
ەكٸنشٸ ستسەناريي. "جاڭا قازاقستان" جۋسان بانكتٸ رەتتەگەننەن كەيٸن نازارباەۆتىڭ رەسەيدەگٸ بانكٸنە اۋىز سالدى. دەمەك, اتب بانكٸ نازارباەۆتىڭ قارجىگەرٸ دانييار ەكٸشەۆتەن توقاەۆتىڭ قارجىگەرٸ ەليحان سمايىلوۆقا ٶتٸپ جاتىر.
بۇل جاعدايدا دا, "قازاقتىڭ ەليحانىنا" پرەمەرلٸكتەن كەتۋگە تۋرا كەلەتٸن سيياقتى. تٸپتٸ ەليحاندى پرەمەرلٸكتەن الىپ تاستاۋ ٷشٸن وعان وسىنداي "تەتتٸ ۇسىنىس" ايتىلۋى مٷمكٸن.
كەزٸندە بانكروت بولعان اتب بانكتٸ رەسەي ورتالىق بانكٸ اۋكتسيوندا ساتقان بولاتىن. سوندا دانييار ەكٸشەۆ باسقارىپ وتىرعان, نازارباەۆ يەلٸك ەتەتٸن "Pioneer Capital Invest" ەلگٸ بانكتٸ 193 ميلليون دوللارعا ساتىپ العان. 2022 جىلى بانكتٸ باسقارۋعا كەلگەن قازاق قارجىگەرٸ قايرات التىنبەكوۆ اتب-نى پليۋسكە شىعارىپ, 325 ميلليون رۋبل تازا پايدا كٶرسەتكەن. ال 2023 جىلدىڭ قورىتىندىسى بويىنشا بانك ٶزٸن ساتىپ الۋعا جۇمسالعان قارجىنىڭ كەم دەگەندە 35 پايىزىن اقتاپ الماق.
اتب بانك كٷلشەلٸ اكتيۆكە اينالعانى سول ەدٸ, وعان دەگەن تارتىس كٷشەيە تٷستٸ. قازاق لوببيستەرٸ رەسەيدە ٶزارا قىرقىسىپ جاتسا دا تاڭ قالۋعا بولمايدى.
