Nazarbaev pen Pýtinniń sońǵy beiresmi jeke kezdesýinde Qazaqstannyń Resei-Belarýs odaǵyna qosylý máselesi de talqylanǵan. Bul týraly DALA INSIDE jazdy,- dep habarlaidy Dalanews.kz.
Dálirek aitsaq bul suraqty Pýtin qoiǵan, al Nazarbaev "bilik mende emes qoi" dep jaýap bergen. DALA INSIDE derekkózi Pýtinniń Nazarbaevtan biraz geosaiasi keńes suraǵanyn habarlaidy.
"Toqaev pen Si arasyndaǵy bailanys sóz boldy. Pýtindi Si myrzanyń Toqaevty qanshalyqty deńgeide qoldaityny óte qatty qyzyqtyrady. Bul onyń aldaǵy birshama manevrlar kezinde Si faktoryn eskerý kerek pe, joq pa degen suraǵyna jaýap izdegen túri bolýy múmkin. Sebebi Kreml Qazaqstandaǵy tuńǵysh AES tańdaýy Si Tszinpinniń paidasyna sheshildi degen signal alyp otyr. Máskeý Qytaiǵa tikelei qarsy shyǵa almaidy. Sondyqtan ishki qyjyl bar bolsa da, bul sheshimdi jariia túrde qabyldaidy", - deidi DALA INSIDE derekkózi.
Osy aida Astanada ótetin "Qytai-Ortalyq Aziia" sammitinde CNNC korporatsiiasy men QR Atom energetikasy Agenttigi arasynda ǵasyr kelisimine qol qoiylýy múmkin. Eger ol júzege assa, onda Balqash jaǵasynda Qytaidyń menshikti ulttyq iadrolyq jobasy - HPR-1000 reaktorlary boi kóteretin bolady.
Pýtin Nazarbaevty araǵa jarty jyl salyp ekinshi ret qabyldap otyr. Onyń aldyndaǵy jeke beiresmi kezdesý 2024 jyldyń jeltoqsanynda Nova-Ogarevo rezidentsiiasynda ótken edi.
"Jalpy bul kezdesýlerde Nazarbaev Pýtinge Qazaqstandaǵy ishki saiasi ahýaldy, klanaralyq tartystar barysyn, kimniń ne istep júrgenin baiandap otyratyn siiaqty. Bastysy mundai áreketter elimizdiń memlekettik qaýipsizdigine qaýip tóndirmeýge tiis. Sebebi Nazarbaev - memlekettik qupiiany ustaýshy tulǵa. Ol kimniń kim, neniń ne ekenin Qazaqstandaǵy kez kelgen adamnan anaǵurlym jaqsy biledi", - deidi DALA INSIDE derekkózi.
