نازارباەۆ پەن پۋتيننٸڭ سوڭعى بەيرەسمي جەكە كەزدەسۋٸندە قازاقستاننىڭ رەسەي-بەلارۋس وداعىنا قوسىلۋ مەسەلەسٸ دە تالقىلانعان. بۇل تۋرالى DALA INSIDE جازدى,- دەپ حابارلايدى Dalanews.kz.
دەلٸرەك ايتساق بۇل سۇراقتى پۋتين قويعان, ال نازارباەۆ "بيلٸك مەندە ەمەس قوي" دەپ جاۋاپ بەرگەن. DALA INSIDE دەرەككٶزٸ پۋتيننٸڭ نازارباەۆتان بٸراز گەوساياسي كەڭەس سۇراعانىن حابارلايدى.
"توقاەۆ پەن سي اراسىنداعى بايلانىس سٶز بولدى. پۋتيندٸ سي مىرزانىڭ توقاەۆتى قانشالىقتى دەڭگەيدە قولدايتىنى ٶتە قاتتى قىزىقتىرادى. بۇل ونىڭ الداعى بٸرشاما مانەۆرلار كەزٸندە سي فاكتورىن ەسكەرۋ كەرەك پە, جوق پا دەگەن سۇراعىنا جاۋاپ ٸزدەگەن تٷرٸ بولۋى مٷمكٸن. سەبەبٸ كرەمل قازاقستانداعى تۇڭعىش اەس تاڭداۋى سي تسزينپيننٸڭ پايداسىنا شەشٸلدٸ دەگەن سيگنال الىپ وتىر. مەسكەۋ قىتايعا تٸكەلەي قارسى شىعا المايدى. سوندىقتان ٸشكٸ قىجىل بار بولسا دا, بۇل شەشٸمدٸ جارييا تٷردە قابىلدايدى", - دەيدٸ DALA INSIDE دەرەككٶزٸ.
وسى ايدا استانادا ٶتەتٸن "قىتاي-ورتالىق ازييا" سامميتٸندە CNNC كورپوراتسيياسى مەن قر اتوم ەنەرگەتيكاسى اگەنتتٸگٸ اراسىندا عاسىر كەلٸسٸمٸنە قول قويىلۋى مٷمكٸن. ەگەر ول جٷزەگە اسسا, وندا بالقاش جاعاسىندا قىتايدىڭ مەنشٸكتٸ ۇلتتىق يادرولىق جوباسى - HPR-1000 رەاكتورلارى بوي كٶتەرەتٸن بولادى.
پۋتين نازارباەۆتى اراعا جارتى جىل سالىپ ەكٸنشٸ رەت قابىلداپ وتىر. ونىڭ الدىنداعى جەكە بەيرەسمي كەزدەسۋ 2024 جىلدىڭ جەلتوقسانىندا نوۆا-وگارەۆو رەزيدەنتسيياسىندا ٶتكەن ەدٸ.
"جالپى بۇل كەزدەسۋلەردە نازارباەۆ پۋتينگە قازاقستانداعى ٸشكٸ ساياسي احۋالدى, كلانارالىق تارتىستار بارىسىن, كٸمنٸڭ نە ٸستەپ جٷرگەنٸن بايانداپ وتىراتىن سيياقتى. باستىسى مۇنداي ەرەكەتتەر ەلٸمٸزدٸڭ مەملەكەتتٸك قاۋٸپسٸزدٸگٸنە قاۋٸپ تٶندٸرمەۋگە تيٸس. سەبەبٸ نازارباەۆ - مەملەكەتتٸك قۇپييانى ۇستاۋشى تۇلعا. ول كٸمنٸڭ كٸم, نەنٸڭ نە ەكەنٸن قازاقستانداعى كەز كەلگەن ادامنان اناعۇرلىم جاقسى بٸلەدٸ", - دەيدٸ DALA INSIDE دەرەككٶزٸ.
