Eks prezıdent Nursultan Nazarbaev AES qurylysy boıynsha referendýmda daýys berdi, - dep habarlaıdy Dalanews.kz.

Ol jýrnalıserdiń suraqtaryna jaýap bermedi, qazaqstandyqtarǵa baqyt tiledi.

"Tabysty bolyńdar, baqytty bolyńdar", - dedi ol vıdeoda.

Nursultan Nazarbaev 2021 jyly Olıver Stoýnǵa bergen suhbatynda Qazaqstanda atom elektr stansıasyn salý máselesine qatysty óz pikirin bildirip, ıadrolyq energıanyń Qazaqstan úshin mańyzdylyǵyn atap ótken edi. Ol Qazaqstannyń atom ónerkásibi salasynda tájirıbesi bar ekenin jáne eldiń ýran óndirýshi iri memleketterdiń biri ekenin aıtyp, atom elektr stansıasy salý arqyly elimiz energetıkalyq táýelsizdikke qol jetkize alatynyn aıtqan. Nazarbaevtyń sózinshe, ıadrolyq energetıka ekologıalyq taza ári tıimdi energıa kózi sanalady, biraq bul máseleni halyqpen keńesý arqyly sheshý kerek dep eseptegen.

Búgin Qazaqstan aýmaǵynda AES salý máselesi boıynsha respýblıkalyq referendým ótip jatyr. 

Referendým boıynsha daýys berý búgin, 6 qazanda saılaý ýchaskelerinde saǵat 07:00-den 20:00-ge deıin ótedi. Bul rette 80-nen asa ýchaske óz jumysyn 06:00-de bastady. Respýblıka boıynsha daýys berýge arnalǵan 10 000-nan asa ýchaske bar. Shetelde Seýl men Tokıoda ýchaskeler birinshi ashyldy.

Jergilikti atqarýshy organdar respýblıka boıynsha daýys berýshilerdiń tizimine 12 mıllıon 244 myń 683 azamatty engizdi.