ەكس پرەزيدەنت نۇرسۇلتان نازاربايەۆ اەس قۇرىلىسى بويىنشا رەفەرەندۋمدا داۋىس بەردى، - دەپ حابارلايدى Dalanews.kz.
ول جۋرناليستەردىڭ سۇراقتارىنا جاۋاپ بەرمەدى، قازاقستاندىقتارعا باقىت تىلەدى.
"تابىستى بولىڭدار، باقىتتى بولىڭدار"، - دەدى ول ۆيدەودا.
نۇرسۇلتان نازاربايەۆ 2021 جىلى وليۆەر ستوۋنعا بەرگەن سۇحباتىندا قازاقستاندا اتوم ەلەكتر ستانسياسىن سالۋ ماسەلەسىنە قاتىستى ءوز پىكىرىن ءبىلدىرىپ، يادرولىق ەنەرگيانىڭ قازاقستان ءۇشىن ماڭىزدىلىعىن اتاپ وتكەن ەدى. ول قازاقستاننىڭ اتوم ونەركاسىبى سالاسىندا تاجىريبەسى بار ەكەنىن جانە ەلدىڭ ۋران ءوندىرۋشى ءىرى مەملەكەتتەردىڭ ءبىرى ەكەنىن ايتىپ، اتوم ەلەكتر ستانسياسى سالۋ ارقىلى ەلىمىز ەنەرگەتيكالىق تاۋەلسىزدىككە قول جەتكىزە الاتىنىن ايتقان. نازاربايەۆتىڭ سوزىنشە، يادرولىق ەنەرگەتيكا ەكولوگيالىق تازا ءارى ءتيىمدى ەنەرگيا كوزى سانالادى، ءبىراق بۇل ماسەلەنى حالىقپەن كەڭەسۋ ارقىلى شەشۋ كەرەك دەپ ەسەپتەگەن.
بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر.
رەفەرەندۋم بويىنشا داۋىس بەرۋ بۇگىن، 6 قازاندا سايلاۋ ۋچاسكەلەرىندە ساعات 07:00-دەن 20:00-گە دەيىن وتەدى. بۇل رەتتە 80-نەن اسا ۋچاسكە ءوز جۇمىسىن 06:00-دە باستادى. رەسپۋبليكا بويىنشا داۋىس بەرۋگە ارنالعان 10 000-نان اسا ۋچاسكە بار. شەتەلدە سەۋل مەن توكيودا ۋچاسكەلەر ءبىرىنشى اشىلدى.
جەرگىلىكتى اتقارۋشى ورگاندار رەسپۋبليكا بويىنشا داۋىس بەرۋشىلەردىڭ تىزىمىنە 12 ميلليون 244 مىڭ 683 ازاماتتى ەنگىزدى.
