Reseilik burynǵy biznesmen Shalva Chigirinskii Qazaqstannyń tuńǵysh prezidenti Nursultan Nazarbaev satyp almaq bolǵan erekshe villa týraly aitty, dep habarlaidy Dalanews.kz.
Chigirinskii Iýrii Dýdke suhbat berip, 2009 jyly Reseidegi biznesinen aiyrylǵandyqtan villasyn satýǵa májbúr bolǵanyn jetkizdi.
"Satyp alýshy "Gazprom neft" boldy. Baǵasy shamamen 70 mln dollar edi. Men ony restavratsiiadan ótkizdim, biraq áńgime onda emes. Maǵan áldeqaida qymbat baǵa usynǵandar boldy. Tipti jarty milliardqa deiin berýge daiyn adamdar keldi. Nazarbaevtyń atynan júrgen adamdar jazǵy rezidentsiia retinde alǵysy keldi. Olar tikushaq qonatyn alań, eki bassein, jatyn bólmeniń kóp bolýyn talap etti.
Bul villa barlyq talapqa sai edi, ondai úiler sirek kezdesedi. Bir aýmaqta bári bar: Monakoǵa jaqyn ornalasqan, tikushaq qonatyn jeri, úlken ashyq basseini, úlken jabyq basseini, qonaq úidegi basseini. Qonaq úidiń ózi de úlken. Bombaǵa qarsy qoima bolǵan, men ony sharap jertólesine ainaldyrdym", – dedi Chigirinskii.
Atalǵan záýlim úi buǵan deiin Zair diktatory Mobýtýdyń otbasyna tiesili bolǵan.
