رەسەيلٸك بۇرىنعى بيزنەسمەن شالۆا چيگيرينسكيي قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ساتىپ الماق بولعان ەرەكشە ۆيللا تۋرالى ايتتى, دەپ حابارلايدى Dalanews.kz.
چيگيرينسكيي يۋريي دۋدكە سۇحبات بەرٸپ, 2009 جىلى رەسەيدەگٸ بيزنەسٸنەن ايىرىلعاندىقتان ۆيللاسىن ساتۋعا مەجبٷر بولعانىن جەتكٸزدٸ.
"ساتىپ الۋشى "گازپروم نەفت" بولدى. باعاسى شامامەن 70 ملن دوللار ەدٸ. مەن ونى رەستاۆراتسييادان ٶتكٸزدٸم, بٸراق ەڭگٸمە وندا ەمەس. ماعان ەلدەقايدا قىمبات باعا ۇسىنعاندار بولدى. تٸپتٸ جارتى ميللياردقا دەيٸن بەرۋگە دايىن ادامدار كەلدٸ. نازارباەۆتىڭ اتىنان جٷرگەن ادامدار جازعى رەزيدەنتسييا رەتٸندە العىسى كەلدٸ. ولار تٸكۇشاق قوناتىن الاڭ, ەكٸ باسسەين, جاتىن بٶلمەنٸڭ كٶپ بولۋىن تالاپ ەتتٸ.
بۇل ۆيللا بارلىق تالاپقا ساي ەدٸ, ونداي ٷيلەر سيرەك كەزدەسەدٸ. بٸر اۋماقتا بەرٸ بار: موناكوعا جاقىن ورنالاسقان, تٸكۇشاق قوناتىن جەرٸ, ٷلكەن اشىق باسسەينٸ, ٷلكەن جابىق باسسەينٸ, قوناق ٷيدەگٸ باسسەينٸ. قوناق ٷيدٸڭ ٶزٸ دە ٷلكەن. بومباعا قارسى قويما بولعان, مەن ونى شاراپ جەرتٶلەسٸنە اينالدىردىم", – دەدٸ چيگيرينسكيي.
اتالعان زەۋلٸم ٷي بۇعان دەيٸن زاير ديكتاتورى موبۋتۋدىڭ وتباسىنا تيەسٸلٸ بولعان.
