"Nazad v SSSR" nemese "KSRO-ǵa qaita oralý". Jezqazǵandaǵy "Kislorod" atty túngi klýb dál osyndai ataýmen bi keshin ótkizbek eken (sýrette). Erteń...
Kórip, qairan qaldyq! Qaidaǵy KSRO? Qyzyl imperiianyń kúlli kókke ushqany qashan? Bi keshin qoishy. Ótkizsin.
Biraq, myna ataýy nesi? Anyǵynda, bul ataý emes, uran! Qyp-qyzyl nasihat, ashyq arandatý.
Estýimizshe, "Nazad v SSSR" degen jynoinaqty ótkizgeli otyrǵan "Kislorod" klýbynyń qojaiyny Jezqazǵandaǵy qalalyq máslihattyń depýtaty eken. Klýbtyń ornynda bir kezderi "Qazaqstan" kinoteatry ornalasqan. Halyq qalaýymen tańdalǵan depýtat muny kórmedi, bilmedi desek eshkim senbes, sirá. Kórip te, bilip te otyr. Endeshe nege úndemeidi?
Odan buryn bul jerge kimder jinalmaq? KSRO-ǵa qaita oralýdy kókseitinder me? Úi ishinen úi tigýdiń belgisi emes pe bul? Bári de múmkin...
Dýman Byqai
