"نازاد ۆ سسسر" نەمەسە "كسرو-عا قايتا ورالۋ". جەزقازعانداعى "كيسلورود" اتتى تٷنگٸ كلۋب دەل وسىنداي اتاۋمەن بي كەشٸن ٶتكٸزبەك ەكەن (سۋرەتتە). ەرتەڭ...
كٶرٸپ, قايران قالدىق! قايداعى كسرو? قىزىل يمپەرييانىڭ كٷللٸ كٶككە ۇشقانى قاشان? بي كەشٸن قويشى. ٶتكٸزسٸن.
بٸراق, مىنا اتاۋى نەسٸ? انىعىندا, بۇل اتاۋ ەمەس, ۇران! قىپ-قىزىل ناسيحات, اشىق ارانداتۋ.
ەستۋٸمٸزشە, "نازاد ۆ سسسر" دەگەن جىنويناقتى ٶتكٸزگەلٸ وتىرعان "كيسلورود" كلۋبىنىڭ قوجايىنى جەزقازعانداعى قالالىق مەسليحاتتىڭ دەپۋتاتى ەكەن. كلۋبتىڭ ورنىندا بٸر كەزدەرٸ "قازاقستان" كينوتەاترى ورنالاسقان. حالىق قالاۋىمەن تاڭدالعان دەپۋتات مۇنى كٶرمەدٸ, بٸلمەدٸ دەسەك ەشكٸم سەنبەس, سٸرە. كٶرٸپ تە, بٸلٸپ تە وتىر. ەندەشە نەگە ٷندەمەيدٸ?
ودان بۇرىن بۇل جەرگە كٸمدەر جينالماق? كسرو-عا قايتا ورالۋدى كٶكسەيتٸندەر مە? ٷي ٸشٸنەن ٷي تٸگۋدٸڭ بەلگٸسٸ ەمەس پە بۇل? بەرٸ دە مٷمكٸن...
دۋمان بىقاي
