Sınoptıkter naýryzdyń alǵashqy kúnderine arnalǵan aýa raıy boljamyn jarıalady, dep habarlaıdy Dalanews.kz.

Kóktem kelgenimen, qystyń aıazy basylmaı tur. Antısıklon Qazaqstan aýmaǵynyń basym bóligine yqpal etedi, jaýyn-shashyn jaýmaıdy, dese de aıaz saqtalady.

Tek 2 naýryzdan bastap sıklon elimizdiń batys óńirlerine jyljı bastaıdy. Sonyń áserinen qar jaýyp, boran soǵady, ońtústik aımaqtarda da jaýyn-shashyn (jańbyr, qar) boljanyp otyr, jel kúsheıip, osydan keıin ǵana aýa temperatýrasy birtindep joǵarylaıdy.