Синоптиктер наурыздың алғашқы күндеріне арналған ауа райы болжамын жариялады, деп хабарлайды Dalanews.kz.
Көктем келгенімен, қыстың аязы басылмай тұр. Антициклон Қазақстан аумағының басым бөлігіне ықпал етеді, жауын-шашын жаумайды, десе де аяз сақталады.
Тек 2 наурыздан бастап циклон еліміздің батыс өңірлеріне жылжи бастайды. Соның әсерінен қар жауып, боран соғады, оңтүстік аймақтарда да жауын-шашын (жаңбыр, қар) болжанып отыр, жел күшейіп, осыдан кейін ғана ауа температурасы біртіндеп жоғарылайды.
