Ulttyq oiyndar men qoiylymdar, dástúrli ánder men bilermen eshkimdi tańǵaldyra almaisyń. Bizdi tańǵaldyrǵany – ulttyq taǵamdar. Alystan menmundalaidy. Kádimgi chak-chak bar ǵoi, sonyń sáýklege uqsatyp, basyna úki taǵyp qoiypty.
Nege bári erekshe dep surastyra kelsek, shipajai direktory Gúljanat Buǵybaeva hanym taǵamtaný salasynyń joǵary dárejeli mamany bolyp shyqty.
Gúljanat Amanjolqyzy memleket basshylary men saiasi jetekshilerdiń túski, keshki asy, fýrshetine deiin uiymdastyryp, talai joǵary laýazymdy tulǵalardy tamaqtandyrǵan.
Óziniń taǵamdary «Astananyń mártebeli asy» atty tanystyrylym kitabyna engen. Eńbegi úshin Prezident, Senat pen Májilis Tóraǵasynan marapat pen alǵys hat alǵan. OSCE (Eýropadaǵy qaýipsizdik jáne yntymaqtastyq uiymy) jáne Aziia oiyndaryn uiymdastyrý hám ótkizýge atsalysqany úshin de marapattalǵan eken.
Shipajaiǵa direktor bolǵanyna birneshe aidyń ǵana júzi bolypty. Kele salyp, demalýshylardyń as mázirine mán bergen. Óitkeni as adamnyń arqaýy bolǵanymen, aýrý astan degen de maqal bar. Endeshe adam balasynyń densaýlyǵy ne iship-jegenine tikelei bailanysty.
Sondyqtan Gúljanat hanym qazaqy taǵamdarǵa asa nazar aýdaryp, as mázirine kóptegen ulttyq taǵamdardy qosqan.
«Jylqy eti tús aýǵansha, siyr eti kesh batqansha, qoi eti tań atqansha» degen mátel bar qazaqta. Iaǵni qansha ýaqyt qorytatynyn aitqan. Iaǵni jylqy eti delikates, qymyzy da shipaly dep, jylqy etinen ázirlengen taǵam túrin kóbeitken. Taǵy bir mańyzdy nárse bar. Biz qazaqtar asa mán bermeimiz. Taǵam degeniń tábet shaqyryp turý kerek. Bir kórgende «meni jeshi, joq, menen aýyz ti» dep alystan qol bulǵaǵany jón deidi direktor hanym.
Qol bulǵaǵan ádemi astan dám aýyz tiip, dámdi ekenine kóz jetkizip, Naýryz merekelerimen quttyqtap qaittyq.
