"Otbasy bank" AQ basqarmasynyń tóraǵasy Lázzat Ibragimova 2025 jyly 28 aqpanda Senattaǵy tyńdalymda kópshilik qyzyǵýshylyq týdyryp otyrǵan jańa turǵyn úi baǵdarlamalaryna kimder qatysa alatynyn naqtylady, dep habarlaidy Dalanews.kz.
Lázzat Ibragimova 5 naýryzdan bastap bank portalynda "Naýryz" baǵdarlamasy boiynsha ótinim qabyldaý bastalatynyn aitty. Onyń aitýynsha, oǵan barlyq qazaqstandyqtar, sonyń ishinde halyqtyń osal toptarynyń ókilderi, jas otbasylar, jumys isteitin jastar, turǵyn úi tólemderine ie bank salymshylary, sondai-aq qalalar men aýyldyq eldi mekenderdiń eńbekke qabiletti halqy da qatysa alady. Onyń ústine sońǵy 6 jyldaǵy depozit mólsheri týraly aqparat mańyzdy emes, biraq baǵdarlamaǵa qatysýshylardyń resmi tabysy bolýy tiis.
"17 naýryzda "Naýryz" baǵdarlamasynyń taǵy bir bóligi bolyp tabylatyn "Naýryz Jumysker" baǵdarlamasy da iske qosylady. Barlyǵy eki baǵdarlama qarastyrylǵan: "Naýryz" jáne "Naýryz Jumysker". Olardyń aiyrmashylyqtaryna toqtala ketsek, máselen "Naýryz" baǵdarlamasy jas otbasylarǵa kóbirek baǵyttalǵan, ol arada barlyq ótinimder arnaiy otbasybank.kz portalynda qabyldanady, irikteý úlken konkýrstyq jaǵdaida ótedi. Ótinimderdi qabyldaý 31 naýryzǵa deiin jalǵasady. Irikteý kezinde negizgi kriteriiler sońǵy 5 jyl ishinde basynda baspanasynyń bolmaýy jáne jinaqtarynyń bolýy shart: sońǵy eki jyl ishinde qarajat jinaǵan jas otbasylar artyqshylyqqa ie bolady", - dedi ol.
Jumysshy kadrlarǵa arnalǵan ipotekalyq baǵdarlamaǵa qatysý úshin ótinimderdi banktiń filialdarynda kez kelgen ýaqytta ótkizýge bolady.
"Protsess bylai júredi: qazirgi ýaqytta jumysshy mamandyqtar boiynsha jumys isteitin adamdar basymdyqqa ie. Ótinimderdi qabyldaý naqty ýaqyt rejiminde júzege asyrylady, kim de kim birinshi bolyp filialǵa júginse, birinshi bolyp páter tańdaý jáne ipoteka rásimdeý múmkindigine ie bolady. Ótinim berý úshin jumys ornynan anyqtama qaǵaz qajet, onyń negizinde bank qyzmetkerleri uiymnyń PIN kodyn jáne onyń salalyq ereksheligin tekseredi. Birinshi kezekte baǵdarlama taý-ken óndirisi jáne óńdeý ónerkásibiniń barlyq salalaryndaǵy jumysshy mamandardy, sondai-aq energetika, kólik, aýyl sharýashylyǵy jáne sý resýrstary qyzmetkerlerin qoldaidy", - dep túsindirdi Lázzat Ibragimova.
Osydan keiin ótinish berýshiniń mamandyǵy tekseriledi, baǵdarlamaǵa tek óńdeýshiler, tehnikter, tehnologtar, júrgizýshiler siiaqty jumysshy mamandyqtar ókilderi ǵana qatysa alady. Osyndai uiymdarda jumys isteitin, biraq keńse laýazymdaryn atqaratyn qyzmetkerler – keńse menedjerleri, PR-menedjerler, býhgalterler jáne taǵy basqalary baǵdarlamaǵa qatysa almaidy.
"Salanyń PIN-kodyn, EQJJ (Ekonomikalyq qyzmet túrleriniń jalpy jikteýshisi) men mamandyǵyn teksergennen keiin ótinish berýshi Astana jáne Almaty qalalarynda páter tańdai alady. Zaimnyń maksimaldy somasy 36 mln teńgeni, al qalǵan oblys ortalyqtarynda 30 mln teńgeni quraidy. Satyp alynatyn turǵyn úi Baspana Market portalynda tańdalady, onda jyljymaityn múlik qunynyń negizsiz ósýin boldyrmaý úshin sharshy metrdiń baǵasy belgilenip otyrady. Eger jumysshy, mysaly, temirjolshy Astanaǵa jaqyn №80, 90 nemese 96 razezd aýdanynda turǵan bolsa jáne birinshi turǵyn úi naryǵy joq (jańadan salynyp jatqan úiler bolmasa) aýdan ortalyǵynan nemese monoqaladan baspana satyp alǵysy kelse, baǵdarlama oǵan ekinshi naryqtan (kommertsiialyq sektordan) úi satyp alýǵa ruqsat beredi", – dep atap ótti "Otbasy banki" basshysy.
Eger páterdi qurylys salý kompaniia árlengen kúide usynsa, onda bastapqy jarna turǵyn úi qunynyń 10%-na deiin tómendetiledi.
