Atyraý turǵyny Iana Legkodimovany óltirý isi boiynsha ómir boiyna bas bostandyǵynan aiyrylǵan Rizýan Hairjanov pen Altynbek Katimov osy aptada №39 mekeme – "Qara búrkitke" etappen jetkizildi. Bul týraly "Aq Jaiyq" basylymy jazdy, dep habarlaidy dalanews.kz.
Buǵan deiin "NeMolchiKZ" qoǵamdyq qory QR IIM Qylmystyq-atqarý júiesi komitetine sottalǵandardyń naqty qaida ekeni týraly saýal joldaǵan. Qor ókilderi Hairjanov pen Katimovtyń №39 mekemede emes, Qostanaidaǵy №76 mekemede bolýy múmkin degen aqparatty rastaýdy nemese joqqa shyǵarýdy suraǵan.
Osy aptada eki sottalǵan da ómir boiyna bas bostandyǵynan aiyrylǵandar ustalatyn "Qara búrkit" mekemesine jetkizilgen.
Eske salaiyq, Hairjanov pen Katimov Iana Legkodimovany óltirgeni úshin ómir boiyna sottalǵan bolatyn.
