Qazaqstan Premer-ministri Oljas Bektenov elordada jeńil relsti kólik (LRT) jelisin salý jónindegi jobanyń barysyn tekserdi,- dep habarlaidy Dalanews.kz.
Astana qalasynyń ákimi Jeńis Qasymbek nysannyń daiyndyq deńgeii jáne megapolistiń kólik júiesin odan ári damytý keleshegi týraly baiandady.
Búgingi tańda LRT estakadasynyń arqalyqtaryn tóseý kezeńi aiaqtaldy. Ctansalardyń negizgi temirbeton konstrýktsiialary qurylysyn 2024 jyldyń sońyna deiin aiaqtaý josparlanyp otyr. Kelesi jyly relsterdi tóseý, stansalardy árleý jáne jyljymaly quramdardy jetkizetin depo qurylysyn júrgizý, Qabanbai batyr dańǵyly men Qaldaiaqov kóshesi boiyndaǵy estakadalyq bólikti abattandyrý júrgiziledi.
Jeńil relsti jeliniń jalpy uzyndyǵy 22,4 km quraidy. LRT quramyna 18 stansa kiredi. 652 adam syiatyn 19 jyljymaly quramdy iske qosý josparlanýda. Qozǵalys aralyǵy 4-5 minýtty quraidy. Bastapqy kezeńde táýligine 25 myń adam jolaýshylar aǵyny kútiledi, bul rette jolaýshylar aǵyny eń joǵary ýaqytta táýligine 92 myń adamǵa jetýi múmkin. Tólem júiesi qalalyq analogy boiynsha, kólik kartasyn validatsiialaý nemese QR-kod arqyly tóleý arqyly qarastyrylǵan.
Stansa aýmaǵynda Premer-ministr qurylys barysynda qoldanylatyn tehnologiialyq sheshimdermen tanysty.
Jobany iske asyrýǵa China Construction Sixth Bureau, Yunnan Construction and Investment Holding Group Co., Longjian Road and Bridge Co., Tianjin Rail Transit Group Co., CRRC Tangshan Co LTD. siiaqty joǵary standarttardy saqtaýymen tanymal qytailyq jetekshi kompaniialar tartylǵan. Sondai-aq CRSCInternational, CASCO, HUAWEI Smart Transport BU kompaniialary kólik júiesiniń qaýipsiz ári tiimdi jumysyn qamtamasyz etýde sheshýshi ról atqaratyn bailanys, dabyl jáne avtomattandyrý júielerin retteýge qatysady. China Railway Asia-EuropeConstruction Investment qosalqy merdiger kompaniiasynyń bas direktory Chjoý Haivei innovatsiialyq tehnologiialar qoldanylyp jatqanyn baiandady. Joba aiaqtalǵannan keiin jeńil relsti jeli boiymen júrgizýshisiz poiyzdar iske qosylady.
«City Transportation Systems» JShS basqarma tóraǵasy Asylbek Dúisebaevtyń aitýynsha, barlyq qurylys jumysyn aiaqtaý jáne LRT iske qosý 2025 jyldyń sońyna deiin josparlanǵan.
Oljas Bektenov jobanyń sapasy men iske asyrylý merzimderin baqylaýdy kúsheitý qajettigin atap ótti.
«Memleket basshysy elimizdiń kólik júiesin damytýǵa kóp kóńil bóledi. LRT jobasy boiynsha infraqurylymdy daiyndaý boiynsha úlken jumys júrgizildi, qarajat bólindi. LRT qala turǵyndaryna, elorda qonaqtaryna qyzmet etedi. Qurylys jumystarynyń qarqyny artyp keledi, olardy báseńdetpeý mańyzdy. Joba eń joǵary deńgeide júzege asyrylýy kerek. Ákimdik pen ortalyq memlekettik organdar tarapynan baqylaý kúsheitilýi tiis. Nátijege jumys isteitin bolamyz», — dedi Premer-ministr.
