Daniia, Finliandiia, Frantsiia, Germaniia, Niderland, Norvegiia, Shvetsiia jáne Ulybritaniia Daniia men Grenlandiiaǵa qatysty ortaq málimdeme jasap, olardyń egemendigi men aýmaqtyq tutastyǵyn tolyq qoldaitynyn jariialady, dep habarlaidy Dalanews.kz.
Shvetsiia úkimetiniń saitynda jariialanǵan qujatta taraptar dialogqa daiyn ekenin, alaida onyń tek egemendik pen aýmaqtyq tutastyq qaǵidattaryn saqtai otyryp júrgizilýi tiis ekenin atap ótti.
«Biz tolyq qoldaityn egemendik pen aýmaqtyq tutastyq printsipterine negizdelgen dialogqa qatysýǵa daiynbyz», – delingen málimdemede.
Sondai-aq qujatta AQSh tarapynan baj salyǵyn engizý jónindegi qaýipter transatlantikalyq qatynastarǵa nuqsan keltiretini aitylyp, atalǵan elder mundai jaǵdaiǵa birlesken ári úilestirilgen jaýap berýge daiyn ekenderin jetkizgen.
Málimdeme Batys elderi arasyndaǵy birlikti kórsetýge jáne Grenlandiia tóńiregindegi geosaiasi shielenis aiasynda Daniianyń ustanymyn nyǵaitýǵa baǵyttalǵan.
