دانييا, فينلياندييا, فرانتسييا, گەرمانييا, نيدەرلاند, نورۆەگييا, شۆەتسييا جەنە ۇلىبريتانييا دانييا مەن گرەنلانديياعا قاتىستى ورتاق مەلٸمدەمە جاساپ, ولاردىڭ ەگەمەندٸگٸ مەن اۋماقتىق تۇتاستىعىن تولىق قولدايتىنىن جارييالادى, دەپ حابارلايدى Dalanews.kz.
شۆەتسييا ٷكٸمەتٸنٸڭ سايتىندا جارييالانعان قۇجاتتا تاراپتار ديالوگقا دايىن ەكەنٸن, الايدا ونىڭ تەك ەگەمەندٸك پەن اۋماقتىق تۇتاستىق قاعيداتتارىن ساقتاي وتىرىپ جٷرگٸزٸلۋٸ تيٸس ەكەنٸن اتاپ ٶتتٸ.
«بٸز تولىق قولدايتىن ەگەمەندٸك پەن اۋماقتىق تۇتاستىق پرينتسيپتەرٸنە نەگٸزدەلگەن ديالوگقا قاتىسۋعا دايىنبىز», – دەلٸنگەن مەلٸمدەمەدە.
سونداي-اق قۇجاتتا اقش تاراپىنان باج سالىعىن ەنگٸزۋ جٶنٸندەگٸ قاۋٸپتەر ترانساتلانتيكالىق قاتىناستارعا نۇقسان كەلتٸرەتٸنٸ ايتىلىپ, اتالعان ەلدەر مۇنداي جاعدايعا بٸرلەسكەن ەرٸ ٷيلەستٸرٸلگەن جاۋاپ بەرۋگە دايىن ەكەندەرٸن جەتكٸزگەن.
مەلٸمدەمە باتىس ەلدەرٸ اراسىنداعى بٸرلٸكتٸ كٶرسەتۋگە جەنە گرەنلاندييا تٶڭٸرەگٸندەگٸ گەوساياسي شيەلەنٸس اياسىندا دانييانىڭ ۇستانىمىن نىعايتۋعا باعىتتالعان.
