NASA aldaǵy kúnderi Halyqaralyq ǵarysh stantsiiasynan Crew-11 missiiasynyń ekipajyn merziminen buryn Jerge qaitarý týraly sheshim qabyldady, dep habarlaidy Dalanews.kz.
Bul sheshim ekipaj músheleriniń biriniń densaýlyq jaǵdaiyna bailanysty qabyldanǵanyn vedomstvo basshysy Djared Aizekman baspasóz máslihatynda málimdedi.
NASA málimetinshe, sársenbi kúni tústen keiin aty-jóni jariialanbaǵan astronavttyń orbitalyq keshen bortynda densaýlyǵyna qatysty máseleler týyndaǵan. Crew-11 missiiasy stantsiiaǵa ótken jyldyń 2 tamyzynda SpaceX kompaniiasynyń Crew Dragon kemesimen kelgen.
Eske salaiyq, buǵan deiin NASA Marstaǵy ǵarysh apparatymen bailanyssyz qalǵany habarlanǵan bolatyn.
Mars ainalymynda on jyldan beri jumys istep turǵan Maven zondymen bailanys ótken demalys kúnderi kenetten úzilgen.
Agenttiktiń habarlaýynsha, apparat Jerdegi stantsiialarmen turaqty bailanysta bolǵan. Alaida Maven Qyzyl ǵalamshardyń ar jaǵynda qalyp, qaita paida bolǵan sátte bailanys múldem joǵalyp ketken.
Qazirgi ýaqytta NASA mamandary oqiǵanyń sebepterin anyqtaýǵa kirisken.
