Batys Qazaqstan oblysynyń ákimi Nariman Tóreǵalievtiń tóraǵalyǵymen oblystyq investitsiialyq shtabtyń kezekti otyrysy ótti,- dep habarlaidy Dalanews.kz
Jiynda óńir ekonomikasyna otandyq jáne sheteldik investitsiialardy tartý máseleleri qaraldy. Oblys ákimi óz sózinde Memleket basshysy Qasym-Jomart Kemeluly Toqaevtyń bul baǵytty Úkimet pen jergilikti atqarýshy organdardyń basty basymdyqtarynyń biri retinde belgilegenin atap ótti.
«Qolaily investitsiialyq ahýal qurý – óńir ekonomikasynyń ornyqty damýynyń negizi. Bul jańa óndiristerdi iske qosýǵa, jumys oryndaryn kóbeitýge, salyqtyq túsimderdi arttyrýǵa jáne halyqtyń ómir súrý sapasyn jaqsartýǵa jol ashady» – dedi Nariman Tóreǵaliev.
Kásipkerlik jáne indýstriialyq-innovatsiialyq damý basqarmasynyń basshysy Nurjan Ótepbaev baiandamasynda birqatar iri jobalarǵa toqtaldy. Atap aitqanda, suiyq metanol óndirý, Aqjaiyq aýdanyndaǵy «Satimola» kalii tuzy ken ornyn igerý jumystary jáne ózge de investitsiialyq bastamalar tanystyryldy. Sonymen qatar oblys delegatsiiasynyń Qytai Halyq Respýblikasyna jasaǵan sapary barysynda aldyn ala kelisilgen qytailyq investorlardy tartý máseleleri aityldy.
Jiyn qorytyndysy boiynsha oblys ákimi aýdan ákimderi men basqarma basshylaryna jetekshilik etetin salalar boiynsha investorlar tartý jumystaryn jandandyryp, naqty nátijelerge qol jetkizýdi tapsyrdy.
