Batys Qazaqstan oblysy ákimi Nariman Tóreǵalievtiń jetekshiligimen jazǵy ýaqyttaǵy balalardyń qaýipsizdigi taqyrybynda keńes ótti.
Keńes barysynda Tótenshe jaǵdailar, Politsiia departamentteriniń, Bilim, Densaýlyq saqtaý basqarmalarynyń ókilderi óńirdegi balalar qaýipsizdigin qamtamasyz etý baǵytynda atqarylyp jatqan jumystar boiynsha baiandama jasady.
Ashyq derekkózderdegi málimetterge sáikes, sońǵy ýaqytta BQO-da balalardyń qatysýymen oryn alatyn qaiǵyly jaǵdailar sany artqan. Máselen, Byltyrǵy jyly sýǵa batqan kámeletke tolmaǵandar sany 4 bolsa, biylǵy jyly jaz aiynda 5 bala sýǵa ketken (Aqjaiyq aýdanynda 3 bala, Báiterek aýdanynda – 1 bala, Oral qalasynda – 1 bala).
BQO ákimi Nariman Tóreǵaliev balalardyń qaýipsizdigin qatań baqylaýda ustaýdy tapsyrdy.
«Oblysymyzda qazirgi tańda oryn alyp otyrǵan jaǵdailardy barlyǵyńyz bilesizder. Sonyń ishinde balalardyń sýǵa batýy, terezeden qulaýy kóptep oryn alýda.
Sondai-aq, jol kóliginen zardap shekken balalar sany biylǵy jyly 3,5 esege, jaraqattanǵandar sany 3,8 esege ósip otyr. Osyǵan bailanysty shuǵyl túrde, barlyq quzyrly mekemelermen birlesip tiisti sharalardy qabyldaýymyz qajet.
Kámeletke tolmaǵandardyń qaýipsizdigi meniń jeke baqylaýymda bolady. Quzyrly memlekettik mekemeler balalardy qaýipten barynsha qorǵaýy tiis. Ata-analar da shette qalmaýy kerek. Barlyq ata-analardy balalardyń qaýipsizdigin muqiiat baqylaýǵa shaqyramyn.
Politsiia jáne tótenshe jaǵdailar departamentine árbir fakti boiynsha tergeý júrgizýdi tapsyramyn. Nátijeler týraly maǵan jeke habarlańyzdar», - dedi Nariman Tóreǵaliev.
Oblys ákimi sala mamandaryna balalardyń qaýipsizdigin qamtamasyz etý baǵytynda tiisti jumystardy kúsheitýdi tapsyrdy.
Atap aitqanda, sýǵa túsýge ruqsat etilmegen jerlerde reidtik jumystardy júrgizýdi, órt qaýpi jaǵdailary, jol qaýipsizdigi, úilerdiń terezeleriniń bekitilýi jáne qoǵamdyq jerlerdegi qaýipsizdikti qamtamasyz etý jáne t.b jumystar.
