Aýdandyq máslihattyń kezekten tys VIII sessiiasyna qatys aimaq basshysy buǵan deiin Eńbekshiqazaq aýdany ákiminiń birinshi orynbasary laýazymyn atqarǵan Nurlan Qudaibergenov halyqpen jumys istei biletin, tájiribeli maman ekenin atap ótip, bul kandidatýraǵa QR Prezidenti Ákimshiliginiń kelisimin alǵanyn aitty.
Buǵan deiin Raiymbek aýdanyna basshylyq etken Jolan Omarovtyń basqa jumysqa aýysty.
Aýdandyq Mádeniet úiinde aktiv jiynymen jalǵasqan kezdesýde Amandyq Batalov ákimi jańadan qurylǵan Raiymbek aýdanynda sońǵy jyldaǵy oń ózgeristerdi atap ótti.
– Raiymbek aýdany – shekaranyń shebinde turǵan aýdan. Sondyqtan bul jańa aýdannyń strategiialyq mańyzy zor. Shekarany ásker ǵana kúzetpeidi, ony halyq kúzetedi.
Shekaradaǵy eldi mekenniń jaryǵy jarqyrap, tirshiligi qainap jatsa, halyq kúzetedi degen sol. Osyny eskergen Elbasy tarihi sheshim qabyldap, aýdandy qaita qurdy.
Bul kóregen sheshimniń oń nátijesin az ǵana ýaqytta kórip otyrmyz. Narynqol qaita túledi.
Osy bir jyldyń ishinde aýdan ortalyǵyna 1200-dei adam turaqty turýǵa kelgen, sonyń ishinde týǵan jerine qaityp oralǵan jastar da bar.
Mamandarǵa jaǵdai jasap, baspanamen qamtýǵa kóńil bólinip otyr. Ótken jyly 20 turǵyn úi berdik. Taǵy 80-nen astam turǵyn úi salamyz, sonyń 33-iniń qurylysy biyl bastalady", – dedi Batalov.
Ákim aýylda aýylsharýashylyǵy damyp kele jatqanyn tilge tiek etti. Biyl aýdanda kartop ósirýge arnalǵan tehnikalar alynǵan, jańa tehnikanyń tilin biletin mamandar tartylǵan. Oblys óz tarapynan kartoptyń jańa sortty tuqymyn satyp ápergen. Sonyń nátijesinde biyl aýdanda ónim mol boldy.
Batalovtyń aitýynsha búginde oblystyń aýdan, qalalaryn kógildir otynmen qamtý qarqyndy júrýde.
– Aldaǵy ýaqytta Kegen, Narynqol óńirine de gaz tartamyz degen josparymyz bar. Eńbekshiqazaq siiaqty halqynyń sany kóp aýdanda, el ishinde qyzmet jasaǵan Nurjan Qudaibergenov óziniń jiǵan tájiribesine, iskerlik qabiletine súienip, Raiymbek aýdanyna myqty jetekshi, bilgir basshy bolady dep senim bildiremin. Biz qandai jetistikke jetsek te, eń aldymen eldiń aýyzbirligimen jetemiz. Halyq - qashanda keńesshi, artyq-kemińdi aityp, jón siltep, jol kórsetetin tarazy. Sondyqtan elmen etene jumys jasaǵanda ǵana is ónimdi bolady - dedi aimaq basshysy.
Jiynda birqatar azamattar sóz alyp, Raiymbek aýdany jańadan qurylǵaly eldiń eńse tiktep, irgesi bekip kele jatqanyn aitty.
Ardager Medethan Abirovtyń aitýynsha, aýdan qaita qurylardyń aldynda bir ǵana Narynqol aýylynda 347 úidiń esik-terezesi shegelenip turǵan. Búginde sol baspanalardyń báriniń derlik ieleri bar.
Al «Miras» sharýa qojalyǵynyń basshysy Marat Sebdaiyrov Narynqoldyń kartoby jýyrda Máskeýde ótken halyqaralyq kórmege qoiylyp, Nur-Sultan qalasyndaǵy jármeńkede qyzý saýdalanǵanyn maqtanyshpen jetkizdi.
Sol siiaqty óz sózinde aýdandyq jastar resýrstyq ortalyǵynyń jetekshisi Medet Baijuma bir jyl ishinde aýdanǵa 200-ge jýyq jas maman kelgenin, sonyń 50-ge jýyǵy jas memlekettik qyzmetshi ekenin atap ótti.
Almaty oblysynyń baspasóz qyzmeti
