اۋداندىق مەسليحاتتىڭ كەزەكتەن تىس VIII سەسسيياسىنا قاتىس ايماق باسشىسى بۇعان دەيٸن ەڭبەكشٸقازاق اۋدانى ەكٸمٸنٸڭ بٸرٸنشٸ ورىنباسارى لاۋازىمىن اتقارعان نۇرلان قۇدايبەرگەنوۆ حالىقپەن جۇمىس ٸستەي بٸلەتٸن, تەجٸريبەلٸ مامان ەكەنٸن اتاپ ٶتٸپ, بۇل كانديداتۋراعا قر پرەزيدەنتٸ ەكٸمشٸلٸگٸنٸڭ كەلٸسٸمٸن العانىن ايتتى.
بۇعان دەيٸن رايىمبەك اۋدانىنا باسشىلىق ەتكەن جولان وماروۆتىڭ باسقا جۇمىسقا اۋىستى.
اۋداندىق مەدەنيەت ٷيٸندە اكتيۆ جيىنىمەن جالعاسقان كەزدەسۋدە اماندىق باتالوۆ ەكٸمٸ جاڭادان قۇرىلعان رايىمبەك اۋدانىندا سوڭعى جىلداعى وڭ ٶزگەرٸستەردٸ اتاپ ٶتتٸ.
– رايىمبەك اۋدانى – شەكارانىڭ شەبٸندە تۇرعان اۋدان. سوندىقتان بۇل جاڭا اۋداننىڭ ستراتەگييالىق ماڭىزى زور. شەكارانى ەسكەر عانا كٷزەتپەيدٸ, ونى حالىق كٷزەتەدٸ.
شەكاراداعى ەلدٸ مەكەننٸڭ جارىعى جارقىراپ, تٸرشٸلٸگٸ قايناپ جاتسا, حالىق كٷزەتەدٸ دەگەن سول. وسىنى ەسكەرگەن ەلباسى تاريحي شەشٸم قابىلداپ, اۋداندى قايتا قۇردى.
بۇل كٶرەگەن شەشٸمنٸڭ وڭ نەتيجەسٸن از عانا ۋاقىتتا كٶرٸپ وتىرمىز. نارىنقول قايتا تٷلەدٸ.
وسى بٸر جىلدىڭ ٸشٸندە اۋدان ورتالىعىنا 1200-دەي ادام تۇراقتى تۇرۋعا كەلگەن, سونىڭ ٸشٸندە تۋعان جەرٸنە قايتىپ ورالعان جاستار دا بار.
ماماندارعا جاعداي جاساپ, باسپانامەن قامتۋعا كٶڭٸل بٶلٸنٸپ وتىر. ٶتكەن جىلى 20 تۇرعىن ٷي بەردٸك. تاعى 80-نەن استام تۇرعىن ٷي سالامىز, سونىڭ 33-ٸنٸڭ قۇرىلىسى بيىل باستالادى", – دەدٸ باتالوۆ.
ەكٸم اۋىلدا اۋىلشارۋاشىلىعى دامىپ كەلە جاتقانىن تٸلگە تيەك ەتتٸ. بيىل اۋداندا كارتوپ ٶسٸرۋگە ارنالعان تەحنيكالار الىنعان, جاڭا تەحنيكانىڭ تٸلٸن بٸلەتٸن ماماندار تارتىلعان. وبلىس ٶز تاراپىنان كارتوپتىڭ جاڭا سورتتى تۇقىمىن ساتىپ ەپەرگەن. سونىڭ نەتيجەسٸندە بيىل اۋداندا ٶنٸم مول بولدى.
باتالوۆتىڭ ايتۋىنشا بٷگٸندە وبلىستىڭ اۋدان, قالالارىن كٶگٸلدٸر وتىنمەن قامتۋ قارقىندى جٷرۋدە.
– الداعى ۋاقىتتا كەگەن, نارىنقول ٶڭٸرٸنە دە گاز تارتامىز دەگەن جوسپارىمىز بار. ەڭبەكشٸقازاق سيياقتى حالقىنىڭ سانى كٶپ اۋداندا, ەل ٸشٸندە قىزمەت جاساعان نۇرجان قۇدايبەرگەنوۆ ٶزٸنٸڭ جيعان تەجٸريبەسٸنە, ٸسكەرلٸك قابٸلەتٸنە سٷيەنٸپ, رايىمبەك اۋدانىنا مىقتى جەتەكشٸ, بٸلگٸر باسشى بولادى دەپ سەنٸم بٸلدٸرەمٸن. بٸز قانداي جەتٸستٸككە جەتسەك تە, ەڭ الدىمەن ەلدٸڭ اۋىزبٸرلٸگٸمەن جەتەمٸز. حالىق - قاشاندا كەڭەسشٸ, ارتىق-كەمٸڭدٸ ايتىپ, جٶن سٸلتەپ, جول كٶرسەتەتٸن تارازى. سوندىقتان ەلمەن ەتەنە جۇمىس جاساعاندا عانا ٸس ٶنٸمدٸ بولادى - دەدٸ ايماق باسشىسى.
جيىندا بٸرقاتار ازاماتتار سٶز الىپ, رايىمبەك اۋدانى جاڭادان قۇرىلعالى ەلدٸڭ ەڭسە تٸكتەپ, ٸرگەسٸ بەكٸپ كەلە جاتقانىن ايتتى.
ارداگەر مەدەتحان ابيروۆتىڭ ايتۋىنشا, اۋدان قايتا قۇرىلاردىڭ الدىندا بٸر عانا نارىنقول اۋىلىندا 347 ٷيدٸڭ ەسٸك-تەرەزەسٸ شەگەلەنٸپ تۇرعان. بٷگٸندە سول باسپانالاردىڭ بەرٸنٸڭ دەرلٸك يەلەرٸ بار.
ال «ميراس» شارۋا قوجالىعىنىڭ باسشىسى مارات سەبدايىروۆ نارىنقولدىڭ كارتوبى جۋىردا مەسكەۋدە ٶتكەن حالىقارالىق كٶرمەگە قويىلىپ, نۇر-سۇلتان قالاسىنداعى جەرمەڭكەدە قىزۋ ساۋدالانعانىن ماقتانىشپەن جەتكٸزدٸ.
سول سيياقتى ٶز سٶزٸندە اۋداندىق جاستار رەسۋرستىق ورتالىعىنىڭ جەتەكشٸسٸ مەدەت بايجۇما بٸر جىل ٸشٸندە اۋدانعا 200-گە جۋىق جاس مامان كەلگەنٸن, سونىڭ 50-گە جۋىعى جاس مەملەكەتتٸك قىزمەتشٸ ەكەنٸن اتاپ ٶتتٸ.
الماتى وبلىسىنىڭ باسپاسٶز قىزمەتٸ
