«Eki ai soǵysta Resei áskeri úlken shyǵynǵa ushyrap, aidai álemge ózderiniń shynymende qandai ásker ekenin kórsetti. Olar osy ýaqyt aralyǵynda kisi óltirip, maroderlikpen ainalysyp, beibit halyqty qorlaýda aldaryna jan salmaityn ásker ekenin álemge pash etti» dedi Mihailo Podoliak.
Ol ýkraina sarbazdary 60 kúnnen beri aiaýsyz kúres júrgizip 22 myńynan astam orys sarbazyn opat qylǵanyn alǵa tartypty. Osy ýaqyt aralyǵynda Reseidiń 7 generaly mert bolǵan (keibir derek kózderi opat bolǵan generaldardyń sany 9 jetkenin kórsetýde). Bul soǵysta orystyń betke ustar «Moskva» kreisri sý túbine ketýin Ýkraina qarýly kúshteriniń esebine jazyp qoiýǵa bolady.
– Bul soǵysta orys áskeri ózderin bala óltirgish, máiitterdi órteiteitin zorlyqshyl ásker ekenin dáleldep berdi. Bizde olardyń qylmysyn áshkereleitin foto men video aiǵaqtar jetip artylady. Resei «bai» el bolasa da, olardyń áskeri ýnitaz ben ittiń úishigine deiin alyp ketetin ury ekenin kórdik, – dedi Mihailo Podoliak.
Sonymen qatar Ýkraina Prezidenti ofisiniń keńesshisi dúniejúziniń «ekinshi armiiasy» beibit turǵyndarmen kúres júrgizip, qarapaiym halyq turatyn kvartaldardy atqylaitynyn da aitty.
Soǵys bastalǵaly beri orys okkýpanttary Ýkrainanyń Kiev, Lvov, Harkov, Odessa, Dnepr, Chernigov syndy iri qalalaryna 1700-den astam qanatty zymyrandarmen atqylap, turǵyn úiler men túrli nysandardy qiratyp, orny tolmas shyǵyn keltirgenin tilge tiek etti.
Bul soǵys Eýropa elderin tutastyryp, NATO-nyń aiasyn keńeite túskeni belgili. Sonymen qatar finder men shvedterdiń Soltústik atlantikakalyq áskeri odaqqa múshe bolýyn tezdetkenin de aita ketýimiz kerek.
«60 kúnde Ýkraina álem boiynsha azattyq pen myzǵymas turaqtylyqtyń belgisine ainaldy» dep Mihailo Podoliak óz jazbasyn aiaqtapty.
