Esterińizde bolar, qoldanystaǵy talap-erejege ózgeris engiý qajettiligin Prezıdent Qasym-Jomart Toqaevtyń ózi aıtyp, tıisti oryndarǵa tapsyrma bergen bolatyn.
Jańa qujat azamattyq qoǵam músheleriniń qatysýymen jáne onshaqty eldiń tájirıbesine súıenip ázirlengen.
Zań jobasy 21 baptan turady. Buryn 12 bap edi. Qujatta memlekettik organdardyń da quzireti aıqyndalǵan. Olar jıyn oryndaryn ózderi belgileıdi. Sherýdi uıymdastyrýshylar arnaıy belgi taǵyp, qoǵamdaǵy qaýipsizdikti qamtamasyz etýi tıis.
– Sherýlerge arnalǵan kóshelerdi ákimdikter anyqtaıdy jáne halyqpen talqylanady. Ruqsat berilgen jerler aldyn ala jabylady. Jalpy beıbit jıyndar ótetin kóshelerdi anyqtaý kezinde ınfraqurylymdyq qol jetimdilik saqtalady, sondaı-aq basqa azamattardyń quqyqtary da eskeriledi, – dedi QR Aqparat jáne qoǵamdyq damý mınıstriniń orynbasary Danıar Esın.
