ەستەرىڭىزدە بولار، قولدانىستاعى تالاپ-ەرەجەگە وزگەرىس ەنگىۋ قاجەتتىلىگىن پرەزيدەنت قاسىم-جومارت توقايەۆتىڭ ءوزى ايتىپ، ءتيىستى ورىندارعا تاپسىرما بەرگەن بولاتىن.
جاڭا قۇجات ازاماتتىق قوعام مۇشەلەرىنىڭ قاتىسۋىمەن جانە ونشاقتى ەلدىڭ تاجىريبەسىنە سۇيەنىپ ازىرلەنگەن.
زاڭ جوباسى 21 باپتان تۇرادى. بۇرىن 12 باپ ەدى. قۇجاتتا مەملەكەتتىك ورگانداردىڭ دا قۇزىرەتى ايقىندالعان. ولار جيىن ورىندارىن وزدەرى بەلگىلەيدى. شەرۋدى ۇيىمداستىرۋشىلار ارنايى بەلگى تاعىپ، قوعامداعى قاۋىپسىزدىكتى قامتاماسىز ەتۋى ءتيىس.
– شەرۋلەرگە ارنالعان كوشەلەردى اكىمدىكتەر انىقتايدى جانە حالىقپەن تالقىلانادى. رۇقسات بەرىلگەن جەرلەر الدىن الا جابىلادى. جالپى بەيبىت جيىندار وتەتىن كوشەلەردى انىقتاۋ كەزىندە ينفراقۇرىلىمدىق قول جەتىمدىلىك ساقتالادى، سونداي-اق باسقا ازاماتتاردىڭ قۇقىقتارى دا ەسكەرىلەدى، – دەدى ق ر اقپارات جانە قوعامدىق دامۋ ءمينيسترىنىڭ ورىنباسارى دانيار ەسين.
