Ózbekstan basshysy Shavkat Mirziioevtiń tuńǵysh qyzy Saida Mirziioevanyń jaqtasy Komiljon Allamjonovtyń kóligine shabýyl jasaldy. Bul elde saiasi ahýal turaqsyz ekenin kórsetýi múmkin, - dep habarlaidy Dalanews.kz Azattyqqa siltep.
Ózbekstan prezidenti Shavkat Mirziiaevtyń úlken qyzynyń saiasattaǵy serigi Komiljon Allamjonov biyl jazda qysym kórip júrgen adamdai kóringen.
Ol shildede ótken ulttyq aqparat quraldarynyń basshylary men jýrnalisterge arnalǵan brifingte Ózbekstannyń aqparat keńistiginde "jalǵan aqparat pen dezinformatsiia kóbeigenin" synady.
Oǵan deiin birneshe apta boiy kópshiliktiń aldyna shyqpaǵan Allamjonov oiyn ashyp túsindirmedi. Biraq ol kezde Allamjonovtyń qaida júrgeni jáne saiasi bolashaǵy týraly qaýeset kúsheigen edi.
Jelide Allamjonov elden qashyp ketti, qylmystyq qýdalaýda júr eken degen sybys tarady.
Biraq Allamjonov prezident ákimshiligi aqparattyq saiasat departamentiniń basshysy qyzmetin jalǵastyryp kelgeni belgili boldy. Ol bul laýazymdy qyrkúiektiń sońyna deiin atqardy.
Allamjonov otstavkaǵa ketetini jaily málimdemesin prezidenttiń qyzy ári kómekshisi Saida Mirziiaevamen birge jasady. Saida oǵan barynsha ashyq qoldaý kórsetti.
Mirziiaevtyń úlken qyzy Allamjonovqa "prezidenttiń tapsyrmalaryn jaýapkershilikpen oryndap, memleket pen qoǵam úshin mańyzdy jobalardy júzege asyryp, baspasóz ben bilim júiesin jaqsartýda tamasha nátije kórsetkeni úshin" alǵys bildirdi.
Bir aiǵa jetpei Allamjonovqa shabýyl jasalyp, Ózbekstan "qastandyq jasaý" babymen is qozǵady.
40 jastaǵy Allamjonov pen ol mingen Range Rover kóliginiń júrgizýshisi 26 qazanda jasalǵan qastandyqtan aman qalǵan. Politsiianyń dereginshe, qastandyq jasaýshylar kólikke birneshe márte oq atqan.
Oqiǵaǵa qatysy bar degen kúdikpen tórt adam ustalǵan.
Ózbekstan astanasy Tashkentte jol ústindegi atys – qalypty jaǵdai emes. Onyń ústine, tanymal saiasatkerdiń kóligine oq atý – ilýde bir kezdesetin qubylys. Osyǵan orai, halyq arasynda "Qastandyqtyń artynda kimder tur?", "Mirziiaev otbasy basqaratyn rejim úshin bul neni bildiredi?" degen suraq kóbeidi.
