Ózbekstanda buryn búkil baspasóz bir adamǵa ǵana, Islam Karimovtiń qas-qabaǵyna qarai jumys isteitin.
Ulttyq mass-mediany qoldaý jáne damytý qoǵamdyq qory keńesiniń tóraǵasy Komil Allamjonov 28 qyrkúiektegi halyqaralyq onlain-konferentsiiada osylai dep málimdedi.
"2016 jylǵa deiin ózbek baspasózi komada boldy. Ne tiri emes, ne óli emes. Telearnalar maqtaý-madaqtaýdan jalyqpady, gazetterde "jumaq jańalyqtary" ǵana basyldy. Búkil baspasóz bir ǵana adamǵa, sol kezdegi memleket basshysynyń qas-qabaǵyna qarai jumys istedi", — dedi Komil Allamjonov.
Onyń pikirinshe, tórt jylda eldegi baspasóz áldeqaida liberaldanyp, jýrnalister eldegi mańyzdy oqiǵalardan habar taratýǵa múmkindik aldy.
Sonymen birge ol buǵan deiin úkimetti synap kelgen shetel saittary buǵattan shyǵarylǵanyn aitty. Ótken jyly Bi-bi-si, "Amerika daýsy", "Ferǵana" agenttigi, AsiaTerra jáne basqa da shetel saittary Ózbekstanda ashylatyn boldy, biraq "Azattyq radiosy" ózbek qyzmeti men basqa da táýelsiz saittar áli de ashylmai tur.
Aita ketelik Allamjonov 2017-2018 jyldyń aralyǵynda prezident Mirziioevtiń baspasóz hatshysy qyzmetin atqardy. Ózbek prezideniniń Facebook, Instagram, Twitter jáne YouTube arnalaryn júrgizdi.
