Tótenshe jaǵdailar ministrligi Aqmola oblysy TJD basshysyna qatysty qylmystyq qýdalaý faktisin rastady, dep habarlaidy Dalanews.kz.
Áleýmettik jelilerde Aqmola oblysy Tótenshe jaǵdailar departamentiniń bastyǵy Baqytjan Alashovqa buryn qylmystyq qýdalaý júrgizilgeni týraly aqparat tarady. Tótenshe jaǵdailar ministrligi bul faktini rastap, keibir mán-jaidy naqtylady.
«Baqytjan Alashov prokýratýra organdarynan da, Qarjy monitoringi agenttiginen de óz erkimen jumystan ketken», – dep habarlady Qaztag TJM baspasóz qyzmetine silteme jasap.
Vedomstvo málimetinshe, Alashovtyń buǵan deiin qylmystyq is boiynsha ótip jatqany ras, alaida Mańǵystaý oblystyq sotynyń qylmystyq ister jónindegi qadaǵalaý alqasynyń qaýlysymen is qylmys quramynyń bolmaýyna bailanysty toqtatylǵan.
«QR QIJK-niń 37-babynyń talaptaryna sáikes, sotta aqtalǵan adam, sondai-aq osy Kodekstiń 35-babynyń 1-bóliginiń 1), 2), 5), 6), 7) jáne 8) tarmaqtarynda kózdelgen negizder boiynsha qylmystyq qýdalaý organy nemese sot qaýlysymen is toqtatylǵan kúdikti, aiyptalýshy, sottalýshy tulǵa reabilitatsiialanady, iaǵni quqyqtary qalpyna keltiriledi jáne QR Konstitýtsiiasymen kepildik berilgen quqyqtary men bostandyqtaryna qandai da bir shekteý qoiylmaidy», – delingen habarlamada.
Sonymen birge, TJM-de qyzmettik qupiia materialdardyń jariia etilý faktisi boiynsha qyzmettik tekseris bastalǵany málim boldy.
