توتەنشە جاعدايلار مينيسترلىگى اقمولا وبلىسى تجد باسشىسىنا قاتىستى قىلمىستىق قۋدالاۋ فاكتىسىن راستادى، دەپ حابارلايدى Dalanews.kz.
الەۋمەتتىك جەلىلەردە اقمولا وبلىسى توتەنشە جاعدايلار دەپارتامەنتىنىڭ باستىعى باقىتجان الاشوۆقا بۇرىن قىلمىستىق قۋدالاۋ جۇرگىزىلگەنى تۋرالى اقپارات تارادى. توتەنشە جاعدايلار مينيسترلىگى بۇل فاكتىنى راستاپ، كەيبىر ءمان-جايدى ناقتىلادى.
«باقىتجان الاشوۆ پروكۋراتۋرا ورگاندارىنان دا، قارجى مونيتورينگى اگەنتتىگىنەن دە ءوز ەركىمەن جۇمىستان كەتكەن»، – دەپ حابارلادى قازتاگ تجم باسپا ءسوز قىزمەتىنە سىلتەمە جاساپ.
ۆەدومستۆو مالىمەتىنشە، الاشوۆتىڭ بۇعان دەيىن قىلمىستىق ءىس بويىنشا ءوتىپ جاتقانى راس، الايدا ماڭعىستاۋ وبلىستىق سوتىنىڭ قىلمىستىق ىستەر جونىندەگى قاداعالاۋ القاسىنىڭ قاۋلىسىمەن ءىس قىلمىس قۇرامىنىڭ بولماۋىنا بايلانىستى توقتاتىلعان.
«ق ر قىجك-نىڭ 37-بابىنىڭ تالاپتارىنا سايكەس، سوتتا اقتالعان ادام، سونداي-اق وسى كودەكستىڭ 35-بابىنىڭ 1-بولىگىنىڭ 1)، 2)، 5)، 6)، 7) جانە 8) تارماقتارىندا كوزدەلگەن نەگىزدەر بويىنشا قىلمىستىق قۋدالاۋ ورگانى نەمەسە سوت قاۋلىسىمەن ءىس توقتاتىلعان كۇدىكتى، ايىپتالۋشى، سوتتالۋشى تۇلعا رەابيليتاسيالانادى، ياعني قۇقىقتارى قالپىنا كەلتىرىلەدى جانە ق ر كونستيتۋسياسىمەن كەپىلدىك بەرىلگەن قۇقىقتارى مەن بوستاندىقتارىنا قانداي دا ءبىر شەكتەۋ قويىلمايدى»، – دەلىنگەن حابارلامادا.
سونىمەن بىرگە، تجم-دە قىزمەتتىك قۇپيا ماتەريالداردىڭ جاريا ەتىلۋ فاكتىسى بويىنشا قىزمەتتىك تەكسەرىس باستالعانى ءمالىم بولدى.
