Ishki ister ministri Erjan Sádenov jubaiy Saltanat Núkenovany uryp óltirip aiyptalǵan burynǵy Ulttyq ekonomika ministri Qýandyq Bishimbaevtyń qandai jaǵdaida qamaýda otyrǵanyn aitty, – dep habarlaidy Dalanews.kz.
Sádenovtyń aitýynsha, Bishimbaev ózge aiyptalýshylarmen birge ortaq kamerada otyr. Sonymen qatar oǵan eshqandai artyq jaǵdai jasalmaǵanyn alǵa tartty.
– Ol tergeý úshin qamaýǵa alynǵandyqtan ózgelermen birge ortaq kamerada otyr. Bishimbaevqa artyq jaǵdai jasalǵan joq, – dedi ministr.
Budan basqa ministr Bishimbaevtyń densaýlyǵy qalpy ekenin, ortaq tártipti buzbaǵanyn da tilge tiek etti.
Osyǵan deiin áleýmettik jelide tergeýde otyrǵan Bishimbaevqa artyq jaǵdai jasalyndy degen qaýeset áńgime taraǵan edi.
Búgin QR Ishki ister ministri Erjan Sádenov bárin joqqa shyǵaryp, onyń zań aiasynda tergelip jatqanyn málimdedi.
Esterińizge salamyz, ótken jyldyń 9 qarashasynda óz áielin uryp óltirdi degen kúdikpen burynǵy Ulttyq ekonomika ministri Qýandyq Bishimbaev ustalǵan bolatyn. Budan keiin politsiia Bishimbaevtyń aǵasy Saltanat Núkenovany óltirýge qatysy bar degen kúdikpen ony da qamaýǵa aldy.
