Onyń aitýynsha, Tuńǵysh prezident týraly zań Elbasy men onyń otbasyn tergeýden emes, qylmystyq jaýapkershilikten qorǵaidy.
"Zań tergeýden emes, qylmystyq jazadan qorǵaidy. Tergeýden eshkim qorǵalmaǵan. Men zańda qalai jazylsa, dál solai aityp turmyn. Ol jerde qylmystyq jaýapkershilikke tartýǵa bolmaityny jaily aitylǵan, biraq qylmystardy tergeý týraly bir aýyz sóz joq", - dedi Mýsin jýrnalisterdiń suraǵyna jaýap berip.
Ministr Qazaqstanda zań shyǵarý bastamasyna májilis, prezident jáne úkimet ie ekenin, sondyqtan tek olar ǵana Tuńǵysh prezident týraly zańdy alyp tastaýdy usyna alatynyn atap ótti.
Mýsin bul zańnyń kúshin joiý máselesi – zań turǵysynan da, moraldyq turǵydan da kúrdeli ekenin aitty.
"Zańdy ony qabyldaǵan parlament qana alyp tastaidy. Iaǵni, parlament mundai zań kúshin joiýǵa tiis degen sheshim qabyldai alady",- dep naqtylady ol.
...
Tuńǵysh prezident týraly zań boiynsha Elbasyny ustaýǵa, qamaqqa alýǵa, tintýge, odan jaýap alýǵa ne jeke basyn jete tekserýge, kúzetpen ustaýǵa bolmaidy.
Sonymen qatar, Nazarbaev pen onymen birge turatyn otbasy múshelerine tiesili barlyq jeke múlikke tiisýge jáne shekteý qoiýǵa bolmaidy.
Jeke múlikke turǵyn jáne qyzmettik úi-jailar, qyzmettik kólik, bailanys quraldary, hattar, qujattar kiredi. Tiispeýshilik Qazaqstan Tuńǵysh prezidenti – Elbasy qoryna jáne ol qurǵan ózge de zańdy tulǵalarǵa tiesili múlikke de qoldanylady.
Budan bólek, konstitýtsiialyq zań Nazarbaev pen onymen birge turatyn otbasy múshelerine tiesili bank shottarynyń qupiialyǵyna jáne oǵan qol suqpaýyna kepildik beredi.
...
Buǵan deiin Sybailas jemqorlyqqa qarsy is-qimyl agenttiginiń tóraǵasy Marat Ahmetjanov sheteldik BAQ-ta Nazarbaevtar otbasynyń ofshorlyq shottary men qymbat múlikteri týraly kóptegen maqala jariialanǵanyna qaramastan, Qazaqstanda olarǵa qatysty tergeý júrgizilmegenin málimdedi.
Qańtar oqiǵasynan keiin parlament Tuńǵysh prezident týraly zańǵa ózgerister engizdi. Nursultan Nazarbaev Qaýipsizdik keńesi men Qazaqstan halyq assambleiasyn ómir boiy basqarý quqyǵynan aiyryldy.
Buǵan qosa, endi eldiń syrtqy jáne ishki saiasatyna qatysty máseleler Nazarbaevpen kelisilmeidi.
