Ministr: «Másimovtiń inisi elde boi tasalap júr»
Telegram-daǵy Tiek arnasy jariialaǵan beinesuhbatta Marat Ahmetjanov Másimovke qatysty barlyq suraqqa jaýap berdi. Ministr "Nurlan Másimovti tanityn ba edińiz?" degende ony biletinin jasyrǵan joq.
– Árine tanimyn. Men osy salada 30 jyldan jumys istep jatyrmyn ǵoi. Prokýratýra, sybailas jemqorlyq salasynda eńbek ettim. Nurlan Másimovti departament basshysy retinde tanitynmyn. Qandai kisi ekenin bilmeimin. Jalpy departament basshysy retinde tanyspyn, – dedi Marat Ahmetjanov.
Ministr Másimovtiń inisine qatysty tergeý amaldary boiynsha jasyratyn eshteńesi joq ekenin jetkizdi.
– Qazir bul isti birigip júrgizip jatyrmyz. Onyń ishinde ishki qaýipsizdiktiń qyzmetkerleri men tergeý salasynyń mamandary birigip tergep jatyr. Osy qylmystyq is boiynsha Pavlodar oblystyq PD basshysynyń orynbasary ustalǵan. Ol tergeý barysynda biýdjettiń qarjysyn jymqyrǵan degen kúdikke ilindi. Osy turǵydan alǵanda departamenttiń burynǵy basshysyna da biraz suraqtar bar, – dedi Marat Ahmetjanov.
Izdeýde júrgen Nurlan Másimov shetelge shyǵyp úlgermegen. Alaida onyń naqty qai jerde ekeni belgisiz.
– Qaida júrgeni belgili bolsa ustalady ǵoi. Qazir osyǵan bailanysty izdeý amaldary júrip jatyr. Ol Qazaqstannan shyqqan joq. Bizdegi derek boiynsha shekaradan shyqpaǵan. Ony jedel izdestirý sharalary kórsetedi, – dedi ministr.
Nurlan Másimov qańtar oqiǵasynan keiin kóp uzamai Pavlodar oblystyq PD basshysy qyzmetinen bosatylǵan. Keiin ony qylmystyq iske qatysy bar ekeni anyqtalyp, izdeý jariialandy.
Esen ÚRKIMBAI
