مينيستر: «مەسٸموۆتٸڭ ٸنٸسٸ ەلدە بوي تاسالاپ جٷر»
Telegram-داعى تيەك ارناسى جارييالاعان بەينەسۇحباتتا مارات احمەتجانوۆ مەسٸموۆكە قاتىستى بارلىق سۇراققا جاۋاپ بەردٸ. مينيستر "نۇرلان مەسٸموۆتٸ تانيتىن با ەدٸڭٸز?" دەگەندە ونى بٸلەتٸنٸن جاسىرعان جوق.
– ەرينە تانيمىن. مەن وسى سالادا 30 جىلدان جۇمىس ٸستەپ جاتىرمىن عوي. پروكۋراتۋرا, سىبايلاس جەمقورلىق سالاسىندا ەڭبەك ەتتٸم. نۇرلان مەسٸموۆتٸ دەپارتامەنت باسشىسى رەتٸندە تانيتىنمىن. قانداي كٸسٸ ەكەنٸن بٸلمەيمٸن. جالپى دەپارتامەنت باسشىسى رەتٸندە تانىسپىن, – دەدٸ مارات احمەتجانوۆ.
مينيستر مەسٸموۆتٸڭ ٸنٸسٸنە قاتىستى تەرگەۋ امالدارى بويىنشا جاسىراتىن ەشتەڭەسٸ جوق ەكەنٸن جەتكٸزدٸ.
– قازٸر بۇل ٸستٸ بٸرٸگٸپ جٷرگٸزٸپ جاتىرمىز. ونىڭ ٸشٸندە ٸشكٸ قاۋٸپسٸزدٸكتٸڭ قىزمەتكەرلەرٸ مەن تەرگەۋ سالاسىنىڭ ماماندارى بٸرٸگٸپ تەرگەپ جاتىر. وسى قىلمىستىق ٸس بويىنشا پاۆلودار وبلىستىق پد باسشىسىنىڭ ورىنباسارى ۇستالعان. ول تەرگەۋ بارىسىندا بيۋدجەتتٸڭ قارجىسىن جىمقىرعان دەگەن كٷدٸككە ٸلٸندٸ. وسى تۇرعىدان العاندا دەپارتامەنتتٸڭ بۇرىنعى باسشىسىنا دا بٸراز سۇراقتار بار, – دەدٸ مارات احمەتجانوۆ.
ٸزدەۋدە جٷرگەن نۇرلان مەسٸموۆ شەتەلگە شىعىپ ٷلگەرمەگەن. الايدا ونىڭ ناقتى قاي جەردە ەكەنٸ بەلگٸسٸز.
– قايدا جٷرگەنٸ بەلگٸلٸ بولسا ۇستالادى عوي. قازٸر وسىعان بايلانىستى ٸزدەۋ امالدارى جٷرٸپ جاتىر. ول قازاقستاننان شىققان جوق. بٸزدەگٸ دەرەك بويىنشا شەكارادان شىقپاعان. ونى جەدەل ٸزدەستٸرۋ شارالارى كٶرسەتەدٸ, – دەدٸ مينيستر.
نۇرلان مەسٸموۆ قاڭتار وقيعاسىنان كەيٸن كٶپ ۇزاماي پاۆلودار وبلىستىق پد باسشىسى قىزمەتٸنەن بوساتىلعان. كەيٸن ونى قىلمىستىق ٸسكە قاتىسى بار ەكەنٸ انىقتالىپ, ٸزدەۋ جارييالاندى.
ەسەن ٷركٸمباي
