Qarjylyq monitoring agenttiginiń Batys Qazaqstan oblysy boiynsha departamenti agroónerkásip keshenin damytý baǵdarlamasyna bólingen biýdjet qarjysy jymqyrylǵanyn anyqtady, dep habarlaidy dalanews.kz.
Kúdikti baqylaýyndaǵy "Agrokompleks ARSEN" jáne "OnegeAgroServis" JShS-lary arqyly Jánibek aýdany Kúigenkól aýyldyq okrýginde sý únemdeitin sýarý júielerin salýǵa jumsaldy degen shyǵyndy óteý úshin ýákiletti organǵa investitsiialyq sýbsidiia alýǵa qajet qujattardy tapsyrǵan.
Shyǵyndy rastaý úshin jalǵan tólem tapsyrmalary men oryndalǵan jumys aktileri usynylǵan. Osy qujattar negizinde kúdiktiniń baqylaýyndaǵy seriktestikterdiń esepshottaryna jalpy somasy 251 mln teńge sýbsidiia aýdarylǵan.
Keiin bul soma qolma-qol aqshaǵa ainaldyrylǵan. Qarajattyń bir bóligine turǵyn úi satyp alynǵan. Sottyń ruqsatymen bul múlikke tyiym salyndy. Tergeý jalǵasyp jatyr.
