15 qazannan bastap qazaqstandyqtar Otbasy bankpen seriktes qurylys kompaniialarynan páter satyp alý úshin alty ai kútpei-aq aralyq nesie rásimdei alady. Ol úshin baspana qunynyń 50%-y bolýy kerek, dep habarlaidy dalanews.kz.
Otbasy bank seriktes qurylys kompaniialarynan turǵyn úi satyp alýǵa beriletin ipoteka sharttaryn ózgertti. Buǵan deiin aralyq nesie alý úshin depozit boiynsha baǵalaý kórsetkishin jinaýǵa alty ai ýaqyt qajet bolatyn. Endi páter qunynyń jartysyn jinaǵan azamattar bul merzimdi kútpei-aq nesie rásimdei alady.
Ipotekanyń jyldyq mólsherlemesi 8,5% bolady. Keiin turǵyn úi zaemyna aýysqan kezde ol 3,5–5%-ǵa deiin tómendeidi.
Ázirge jańa sharttar tek bankpen kelisim jasaǵan qurylys kompaniialarynan baspana satyp alatyndarǵa qoldanylady. Alǵashqy seriktes — BI Group kompaniiasy. Satyp alýshylarǵa Astana, Almaty, Shymkent jáne Atyraý qalalarynan 600 páter usynylǵan.
Usynysty paidalaný úshin aldymen páter tańdap, ony brondaý qajet. Sodan keiin qurylys kompaniiasynan tiisti rastaý qujatyn alyp, bankke júginý kerek.
Sonymen qatar Otbasy bank kóktemde maquldaý alǵan «Naýryz» baǵdarlamasyna qatysýshylar úshin baspana izdeý merzimin 30 jeltoqsanǵa deiin uzartty.
