Mańǵystaý oblysynda kópbeiindi oblystyq aýrýhananyń 32 million teńgeden astam biýdjet qarajatyn jymqyrǵan bas býhgalteri 7 jylǵa bas bostandyǵynan aiyryldy, dep habarlaidy dalanews.kz oblystyq prokýratýraǵa silteme jasap.
Prokýratýra júrgizgen tekserý barysynda meditsinalyq mekemede biýdjet qarajatyn jymqyrý deregi anyqtalǵan. Memleketke keltirilgen shyǵyn kólemi 32 million teńgeden asqan.
Atalǵan fakti boiynsha Qylmystyq kodekstiń 189-baby 4-bóliginiń 2-tarmaǵymen, iaǵni asa iri mólsherde senip tapsyrylǵan bóten múlikti iemdený nemese talan-tarajǵa salý deregi boiynsha qylmystyq is qozǵalǵan.
Tergeý barysynda aýrýhananyń bas býhgalteri tanysymen aldyn ala sóz bailasyp, biýdjet qarajatyn jeke kásipkerler men zańdy tulǵalardyń esepshottaryna aýdaryp otyrǵany anyqtaldy. Keiin bul qarajat qolma-qol aqshaǵa ainaldyrylǵan.
Sotta aiyptalýshylardyń kinási tolyq dáleldendi.
Sot úkimimen aýrýhananyń bas býhgalteri 7 jylǵa bas bostandyǵynan aiyrylyp, 5 jyl merzimge býhgalterlik qyzmetpen ainalysý quqyǵynan aiyryldy.
Al qylmysqa qatysqan sybailasyna 7 jyl merzimge bas bostandyǵyn shekteý jazasy taǵaiyndaldy.
Sot úkimi zańdy kúshine endi.
