ماڭعىستاۋ وبلىسىندا كٶپبەيٸندٸ وبلىستىق اۋرۋحانانىڭ 32 ميلليون تەڭگەدەن استام بيۋدجەت قاراجاتىن جىمقىرعان باس بۋحگالتەرٸ 7 جىلعا باس بوستاندىعىنان ايىرىلدى, دەپ حابارلايدى dalanews.kz وبلىستىق پروكۋراتۋراعا سٸلتەمە جاساپ.
پروكۋراتۋرا جٷرگٸزگەن تەكسەرۋ بارىسىندا مەديتسينالىق مەكەمەدە بيۋدجەت قاراجاتىن جىمقىرۋ دەرەگٸ انىقتالعان. مەملەكەتكە كەلتٸرٸلگەن شىعىن كٶلەمٸ 32 ميلليون تەڭگەدەن اسقان.
اتالعان فاكتٸ بويىنشا قىلمىستىق كودەكستٸڭ 189-بابى 4-بٶلٸگٸنٸڭ 2-تارماعىمەن, ياعني اسا ٸرٸ مٶلشەردە سەنٸپ تاپسىرىلعان بٶتەن مٷلٸكتٸ يەمدەنۋ نەمەسە تالان-تاراجعا سالۋ دەرەگٸ بويىنشا قىلمىستىق ٸس قوزعالعان.
تەرگەۋ بارىسىندا اۋرۋحانانىڭ باس بۋحگالتەرٸ تانىسىمەن الدىن الا سٶز بايلاسىپ, بيۋدجەت قاراجاتىن جەكە كەسٸپكەرلەر مەن زاڭدى تۇلعالاردىڭ ەسەپشوتتارىنا اۋدارىپ وتىرعانى انىقتالدى. كەيٸن بۇل قاراجات قولما-قول اقشاعا اينالدىرىلعان.
سوتتا ايىپتالۋشىلاردىڭ كٸنەسٸ تولىق دەلەلدەندٸ.
سوت ٷكٸمٸمەن اۋرۋحانانىڭ باس بۋحگالتەرٸ 7 جىلعا باس بوستاندىعىنان ايىرىلىپ, 5 جىل مەرزٸمگە بۋحگالتەرلٸك قىزمەتپەن اينالىسۋ قۇقىعىنان ايىرىلدى.
ال قىلمىسقا قاتىسقان سىبايلاسىنا 7 جىل مەرزٸمگە باس بوستاندىعىن شەكتەۋ جازاسى تاعايىندالدى.
سوت ٷكٸمٸ زاڭدى كٷشٸنە ەندٸ.
