Ýkraina prezidenti Vladimir Zelenskii qyzmetinen ketpeitinin aitty. Sondai-aq Donald Tramptyń talabyna qaramastan, qazirgi jaǵdaida Ýkrainada sailaý ótkizý múmkin emes ekenin jetkizdi, dep habarlaidy dalanews.kz.
Onyń sózinshe, el turaqty shabýylǵa ushyrap jatqandyqtan, sailaý ótkizý qaýipsizdik turǵysynan múmkin emes. Buǵan qosa, prezidentti sailaý kezinde maidanda júrgen sarbazdardyń daýysy eskerilýi kerek.
«Bizdiń ár saǵatymyz shabýyldyń astynda ótip jatyr. Qaýipsizdik jaǵynan alǵanda da, sailaý ótkizý múmkin emes. Onyń ústine sarbazdardyń daýysynsyz prezident sailai almaimyz. Eń aldymen Otan úshin janyn shúberekke túiip, el qorǵap júrgen sarbazdar daýys berýi kerek. Bul ádiletti bolmaq», – dedi Zelenskii.
Sonymen qatar Ýkraina prezidenti Reseidiń munai óńdeý zaýyttaryna jasalatyn soqqylar qaita jalǵasatynyn málimdedi. Zelenskii AQSh pen Resei arasyndaǵy saýda kelisimine de toqtalyp, Ýkraina mańyzdy seriktesinen aiyrylyp bara jatqanyn aitty.
