Qarjylyq monitoring agenttigi zańnama talaptaryn ainalyp ótip, azamattarǵa nesie usynatyn zańsyz mikroqarjy uiymdarynyń jolyn kesý baǵytynda atqarylyp jatqan júieli jumystardyń nátijesimen bólisti, dep habarlaidy Dalanews.kz.
Quzyrly vedomstvo mundai uiymdar zańdy nesieleý túrinde qyzmet kórsetkenimen, shyn máninde qaryz alýshylarǵa túrli qosymsha tólemder men paiyzdardy, saqtandyrý jarnalaryn mindettep júkteitinin eskertedi.
"Bul ádister arqyly olar syiaqy mólsherlemesine qatysty zańmen belgilengen shekteýlerdi ainalyp ótedi. Nátijesinde azamattar ózine júktelgen qaryzdy birneshe ese kóp protsentpen tóleýge májbúr bolyp, qarjylyq quryqqa ilinedi. 2025 jyldyń basynan beri osyndai 5 zańsyz mikroqarjy uiymynyń qyzmeti toqtatyldy. Bul uiymdardan 300 myńnan astam azamat zardap shekken, olardyń jalpy artyq tólem somasy 71 mlrd teńgeden asqan", dep naqtylaidy QMA.
Qaryz almas buryn, onyń barlyq sharttaryn muqiiat oqyp, túsinip alyńyz. Árbir azamattyń ne úshin tólem jasap jatqanyn bilýge tolyq quqyǵy bar.
"Zańdy MQU (mikroqarjy uiymdary) "tekserýsiz" jáne "barlyǵyna beriledi" degen ýádelermen jumys istemeidi", - deidi vedomstvodaǵylar.
